مەکتەبی ڕێکخستنی سلێمانی-ھەڵەبجە-ڕاپەڕین پیرۆزبایی لە ماڵپەڕی KDP دەکات
سلێمانی-KDP.info- مەکتەبی ڕێکخستنی سلێمانی-ھەڵەبجە-ڕاپەڕینی پارتی دیموکراتی کوردستان، لە پەیامێکدا یادی ۱٤ ساڵەی دامەزراندنی ماڵپەڕی KDP پیرۆز دەکات.
ئەمەی خوارەوە دەقی پەیامەکەیە:
چواردە ساڵەی دامەزراندنی ماڵپەڕی خۆشــەویـــستی پارتی دیموکراتی کوردستان پیرۆز بێت
بە بۆنەی ساڵیادی دامەزراندنی ماڵپەڕی فەرمیی پارتی دیموکراتی کوردستانەوە، گەرمترین پیرۆزبایی ئاراستەی بەڕێوەبەر و ستاف و سەرجەم کارمەندانی ئەم ماڵپەڕە خۆشــەویـــستە دەکەین.
ماڵپەڕی فەرمیی پارتی دیموکراتی کوردستان، لە ماوەی ۱٤ ساڵ خزمەتکردنیدا، توانیویەتی سەنگین و پیشەگەرانە خزمەتی سەرجەم چین و توێژەکان بکات، ھەروەھا دەنگ و ڕەنگی ھاونیشتیمانیانی کوردستان بێت و ھەواڵی ڕاست و دروست پێشکەش بە خوێنەرانی خۆی بکات.
ماڵپەڕی فەرمیی پارتی دیموکراتی کوردستان، بە فاکتەری ڕاستگۆیی لە ھەواڵ، بووەتە سەرچاوەی ھەواڵی زۆربەی کەناڵ و لایەنەکان، بە ھیوای بەردەوامی و دەستکەوت و سەرکەوتنی زیاتر.
جارێکی تر پیرۆزباییەکی گەرم لە ستافی ئەو ماڵپەڕە ئازیزە دەکەین و ئومێدی سەرکەوتنی زیاتریان بۆ دەخوازین.
پارتی دیموکراتی کوردستان
مەکتەبی ڕێکخستنی پارێزگای سلێمانی-ھەڵەبجە-ڕاپەڕین
٢٨-٢-٢٠٢٤
