عەمید دلێر: ماڵپەڕی KDP مێژوویەکی درەوشاوە و پڕشنگداری ھەیە
ھەولێر-KDP.info- عەمید دلێر نەجاڕ، بەبۆنەی ۱٤ ساڵەی دامەزراندنی ماڵپەڕی فەرمیی پارتی دیموکراتی کوردستانەوە، لە پەیامێکدا پیرۆزبایی ئاراستەی بەڕێوەبەر و ستاف و کارمەندانی ماڵپەڕی KDP دەکات.
ئەمەی خوارەوە دەقەکەیەتی:
بەڕێزان بەڕێوەبەر و ستاف و کارمەندانی ماڵپەڕی فەرمیی پارتی دیموکراتی کوردستان، بەبۆنەی یادی ۱٤ ساڵەی دامەزراندنی ماڵپەڕی فەرمیی پارتی دیموکراتی کوردستان (KDP.info)، گەرمترین پیرۆزباییتان ئاراستە دەکەین و ھیوای بەردەوامی و سەرکەوتنی زیاترتان بۆ دەخوازین.
ماڵپەڕی فەرمیی پارتی دیموکراتی کوردستان، وەک میدیایەکی ڕاستگۆ و پرۆفیشناڵ، مێژوویەکی درەوشاوە و پڕشنگداری ھەیە و ھەمیشە پەیامی نیشتمانیانە و نەتەوەییانەی بە خوێنەران و وەرگرانی گەیاندووە و جێگای متمانەی ھەمووانە.
ماڵپەڕی (KDP) قوتابخانەیەکی گەورەی پەروەردەکردن و پێگەیاندنی رۆژنامەنووسان بووە و ئەمەش شانازییەکی گەورەیە بۆ ماڵپەڕی فەرمیی پارتی دیموکراتی کوردستان.
لەم بۆنەیەدا، وێڕای پیرۆزبایی دووبارەمان، پشتگیریی تەواوی خۆمان بۆ ماڵپەڕە سەنگینەکەتان دووپات دەکەینەوە و ھێڤیدارین ھەمیشە بەردەوام و سەرکەوتوو بن.
عەمید دلێر نەجاڕ
۲٨ی ۲ی ۲۰۲٥
