پەیامی سەرەخۆشیی سەرۆك بارزانی بۆ كۆچی دوایی دایكا جوان
ھەولێر-KDP.info- سەرۆک بارزانی، بۆ کۆچی دوایی خاتوو (سەباح محەممەد عەلی) ناسراو بە (دایکا جوان)، پەیامێکی سەرەخۆشی ئاراستەی خانەوادە و کەسوکار و ئاشنایانی خوالێخۆشبوو دەکات.
دەقی پەیامی سەرەخۆشی سەرۆك بارزانی.
بەناوی خودای مەزن و دلۆڤان
بەداخێکی زۆرەوە ھەواڵی کۆچی دواییی کەسایەتیی کوردپەروەر و خەباتگێڕی کوردستانی سووریا و ئەندامی پێشووی کۆمیتەی ناوەندیی پارتی دیموکراتی کوردستان - سووریا خاتوو (سەباح محەممەد عەلی) ناسراو بە (دایکا جوان)ـم پێگەیشت.
پرسە و سەرەخۆشیی خۆم ئاراستەی خانەوادە و کەسوکار و ئاشنایانی خوالێخۆشبوو (دایکا جوان) و ھەموو ئازادیخواز و تێکۆشەرانی کوردستانی سووریا دەکەم و خۆم بە ھاوبەشی خەمیان دەزانم.
لەخودای گەورە داواکارم ڕۆحی خوالێخۆشبوو بە بەھەشتی بەرین شاد بکات و سەبر و ئارامی بە ھەموو لایەک ببەخشێت.
انا للە و انا الیە راجعون
مسعود بارزانی
٢٦ی شوباتی ٢٠٢٥
