سەرۆکی حکوومەت سەرەخۆشی لە بنەماڵەی مامۆستا مەلا خالید مەلەکی دەکات
ھەولێر-KDP.info- سەرۆکی حکوومەتی ھەرێمی کوردستان سەرەخۆشی لە بنەماڵە و کەسوکاری مامۆستا مەلا خالید مەلەکی دەکات و دەڵێت: زانایەکی ئایینی ناسراو و کەسایەتییەکی نیشتمانپەروەر بوو.
ئەمڕۆ شەممە، ٢٢-٠٢-٢٠٢٥، مەسروور بارزانی، سەرۆکی حکوومەتی ھەرێمی کوردستان، لە پرسەنامەکەیدا ڕایگەیاند: "پرسە و سەرەخۆشی قووڵی خۆم ئاراستەی بنەماڵە و کەسوکاری خوالێخۆشبوو مامۆستا مەلا خالید مەلەکی ئەندامی سەرکردایەتیی و بەرپرسی لقی سۆرانی یەکێتیی زانایانی ئایینی ئیسلامیی کوردستان دەکەم و ھاوبەشی خەمیانم."
سەرۆکی حکوومەت ئاماژەی بەوەش کردووە، "خوالێخۆشبوو زانایەکی ئایینی ناسراو و کەسایەتییەکی نیشتمانپەروەر بوو. خوای مەزن گیانی بە بەھەشت شاد بکات و ئارامی و دڵنەواییش بە بنەماڵەکەی ببەخشێت."
مامۆستا مەلا خالید مەلەکی ماوەی سێ ساڵ بوو نەخۆش کەوتبوو و بەیانیی ئەمڕۆ شەممەش، ٢٢-٠٢-٢٠٢٥، ھەر بەھۆی نەخۆشییەوە گیانی سپارد.
