نێچیرڤان بارزانى نامه‌یه‌كى له‌ سه‌رۆك تره‌مپه‌وه‌ پێده‌گات

ھەولێر-KDP.info-  ئه‌مڕۆ پێنجشه‌ممه‌ 2025/2/20 له‌ وه‌ڵامى نامه‌یه‌كیدا، به‌ڕێز نێچیرڤان بارزانى، سه‌رۆكى هه‌رێمى كوردستان، نامه‌یه‌كى ده‌ستنووسى له‌ به‌ڕێز دۆناڵد تره‌مپ، سه‌رۆكى ئه‌مه‌ریكاوه‌ پێگه‌ییشت.

له‌ نامه‌كه‌دا سه‌رۆك تره‌مپ وێڕاى سوپاسگوزارى بۆ نامه‌كه‌ى سه‌رۆك نێچیرڤان بارزانى، جه‌ختى له‌ پێكه‌وه‌كاركردن و هاریكاریى هاوبه‌ش و بره‌ودان به‌ به‌ها هاوبه‌شه‌كان له‌گه‌ڵ هه‌رێمى كوردستاندا كردووه‌ته‌وه‌.

به‌ڕێز سه‌رۆكى ئه‌مه‌ریكا هەروەها له‌ كۆتاییى نامه‌كه‌یدا هیواى سه‌ركه‌وتنى بۆ به‌ڕێز سه‌رۆكى هه‌رێمى كوردستان خواستووه‌.