سەرۆکی ھەرێمی کوردستان گەیشتە ئەڵمانیا
ھەولێر-KDP.info- سەرۆکی ھەرێمی کوردستان بۆ بەشداریکردن لە کۆنفرانسی ئاسایشی میونشن، ئەمڕۆ پێنجشەممە گەیشتە ئەڵمانیا.
دڵشاد شەھاب، گوتەبێژی سەرۆکایەتیی ھەرێمی کوردستان ڕایگەیاند: نێچیرڤان بارزانی سەرۆکی ھەرێمی کوردستان بۆ بەشداریکردن لە کارەکانی کۆنفرانسی ئاسایشی میونشن، گەیشتووەتە ئەڵمانیا.
گوتەبێژی سەرۆکایەتی ھەرێم ھەروەھا گوتی: نێچیرڤان بارزانی لە میانی سێ ڕۆژی کۆنفرانسی ئاسایشی میونشن لەگەڵ ژمارەیەک لە سەرکردە و بەرپرسانی باڵای وڵاتان کە لە کۆنفرانسەکەدا بەشدارن، چەندین دیدار و کۆبوونەوەی دەبێت.
ھەروەھا گوتی: سەرۆکی ھەرێمی کوردستان لەگەڵ سەرکردە و بەرپرسانی باڵای وڵاتان، دەربارەی پەیوەندییەکانی ھەرێمی کوردستان و عێراق لەگەڵ وڵاتان و دوا پێشھاتەکان لە ناوچەکە گفتوگۆ دەکات و بیروڕا دەگۆڕێتەوە.
