مەسروور بارزانی لەگەڵ جێنشینی دوبەی و جێگری سەرۆک وەزیرانی ئیمارات کۆبووەوە
ئیمارات-KDP.info- سەرۆکی حکوومەتی هەرێمی کوردستان جەخت لە پەرەپێدانی پەیوەندییەکان لەگەڵ ئیمارات دەکاتەوە و سوپاسی پشتیوانی و هاریکاریی بەردەوامی ئەو وڵاتەش دەکات.
ئەمڕۆ سێشەممە، 11-02-2025، لە پەراوێزی بەشداریکردنی لە لووتکەی جیهانیی حکوومەتەکان لە دوبەی، مەسروور بارزانی، سەرۆکی حکوومەتی هەرێمی کوردستان، لەگەڵ شێخ حەمدان بن محەمەد بن ڕاشد، جێنشینی دوبەی و جێگری سەرۆک وەزیرانی ئیمارات و وەزیری بەرگری کۆ بووەوە.
بە گوێرەی ڕاگەیەندراوێکی حکوومەتی هەرێمی کوردستان، لە دیدارەکەدا جەخت لە پەرەپێدانی پەیوەندیی دوولایەنە لە بوارە جۆراجۆرەکاندا کرایەوە.
سەرۆکی حکوومەت سوپاسی پشتیوانی و هاریکاریی بەردەوامیی دەوڵەتی ئیمارات کرد.
