مەکتەبی سیاسیی پرسەنامەیەک ئاراستەی خانەوادەی (عەزیز حەمە بەڵخەیی) دەکات
ھەولێر-KDP.info- مەکتەبی سیاسیی پارتی دیموکراتی کوردستان، بۆ کۆچی دوایی خوالێخۆشبوو (عەزیز حەمە عەزیز بەڵخەیی)، پرسەنامەیەک ئاراستەی هەڤاڵانی بەڕێز (مامۆستا فوئاد و کاک سەلیم، کاک سیروان، کاک سالم) دەکات.
دەقی پرسەنامەکەی مەکتەبی سیاسیی پارتی دیموکراتی کوردستان:
بۆ هەڤاڵانی بەڕێز (مامۆستا فوئاد و کاک سەلیم، کاک سیروان، کاک سالم)
بە داخ و پەژارەیەکی زۆرەوە هەواڵی کۆچی باوکی خوالێخۆشبووتان (عەزیز حەمە عەزیز بەڵخەیی)مان بیست، بە خەمناکییەوە پرسە و سەرەخۆشی خۆمان ئاراستەی ئێوە و کەسوکار و بنەماڵە تێکۆشەرەکەتان دەکەین، خۆمان بە هاوبەشی خەمتان دەزانین.
ئومێدەوارین دڵنەوایی و هاوخەمی هەڤاڵ و دۆست و ئازیز و خزمانی خوالێخۆشبوو ببێتە مایەی سەبووری و ئارامگرتنتان و لە خەم و خەفەتتان کەم بکاتەوە، دووبارە پرسەوسەرەخۆشی خۆمان دووپات دەکەینەوە، داواکارین لە خوای گەورە خوالێخۆشبوو بە بەهەشتی بەرین شاد بکات و ئێوەش لە کۆستی دیکە بە دوور بگرێت.
مەکتەبی سیاسیی پارتی دیموکراتی کوردستان
١٥ی کانوونی دووەم ٢٠٢٥
