ل پارێزگەھا دھوکێ ٧١کارگەھێن بوارێ پیشەسازی ھاتینە ڤەکرن

دھۆک_KDP.info_  رێڤەبەرێ رێڤەبەرییا وەبەرھێنانێ ل پارێزگەھا دھوکێ دیارکر ، لە پارێزگەھا دھوکێ ھەیا نھا ٧١کارگەھێن پیشەسازی دچار بواراندا ھاتینە ڤەکرن ، ئەوژی کارگەھێن پیشەسازی وکارگەھێن پیشەسازیا خوراکی و کارگەھێن پیشەسازیا چاندنێ و کارگەھێن پیشەسازیا بازرگانی .
دکتور ھەڤال سەدیق ،  رێڤەبەرێ رێڤەبەرییا وەبەرھێنانێ   ل پارێزگەھا دھۆکێ ، بۆ مالپەرێ فەرمی یێ پارتی دیموکراتی کوردستان راگەھاند : ھەبوونا کارگەھان ل پارێزگەھا دھۆکێ گرنگییەکا مەزن ھەیە ،  تایبەت ژبۆ پەیداکرنا دەلیڤێن کاری بۆ گەنج و خەلکێ باژێرێ دھوکێ  و ژلایەکێ دی ژی ڤەکرنا کارگەھان دبیتە ئەگەرێ کێم ھاوردەکرنا بەرھەمێن دەرڤە یێن بیانی و ئەڤە پێنگاڤەک گرنگە ژبۆ پاراستنا ئاسایشا خوراکی، کو ل سەر بەرھەمێن ب کاردئینین ئاشنابین ژکەرستێن دھێنە بکارئینان و چەوا ھاتینە دروستکرن و ئەڤ چەندە دێ رێکێ ژبۆ بکارئینانا بەرھەمێن ناڤخوی تایبەت یێ جوتیارێن مە ڤەکەت ، کو ببیتە دەلیڤەک مەزن جوتیار ژبەرھەمێن خۆ بێ ھیڤی نەبن ،  بۆ نموونە کارگەھا دروستکرنا ئاڤا تەماتێ دێ ژلایەکێ ژمارەکا باش یا گەنجان لێ کار کەت و ژلایەکێ دی ژی  دێ تەماتا ناڤخوی یا جوتیاران ھێتە بکار ئینان  و ب ڤی رەنگێ پارێ حکومەتێ بۆ بەرھەمێ ژدەرڤە ناچیت و بەرھەمێ ناڤخوی ژی ب زەعێل ناچیت و ژمارکا دی ژی یا گەنجان دێ ل وان ئەردێن چاندنێ ب کارکەڤن ژبۆ بەرھەمئینانا تەماتێ.
ل دویف وان ئامارێن رێڤەبەرییا وەبەرھێنانێ یا گشتی ل پارێزگەھا دھۆکێ ، تایبەت بۆ مالپەرێ فەرمی یێ پارتی دیموکراتی کوردستان دیارکرین ، ھەر ژ١ی ھەیڤا ١ ساڵا ٢٠٠٧ێ و ھەتا ٣١ی ھەیڤا ١٢ ساڵا ٢٠٢٤ێ  ل پارێزگەھا دھۆکێ دگەل ئیدارا سەربەخۆ یا زاخۆ ٧١ کارگەھان مولەتا وەبەرھێنانێ ژ رێڤەبەرییا وەبەرھێنانێ و حکومەتا ھەرێما کوردستانێ ل دویف یاسا وەبەرھێنانێ یا ژمارە ٤ یا ساڵا ٢٠٠٦ێ وەرگرتینە  ل دەمەکێ ئەو ٧١ مولەتێن کارگەھان ژبۆ چوار جورە کارگەھان دھێنە دان، ئەوژی کارگەھێن پیشەسازی و کارگەھێن و پیشەسازی خوراکی و کارگەھێن پیشەسازی چاندن و کارگەھێن پیشەسازی بازرگانی.
١- کارگەھێن پیشەسازی (٦٣) پرۆژە و ب کوژمێ (١,٤٧٦،٩٩٧،٠٤٧,٠٠) ملیار دولار. 
٢- کارگەھێن پیشەسازی خوارکی (٣) پرۆژە و ب کو١مێ (٣٨,٨٤٩,١١٣ ) ملیون دولار.
٣- کارگەھێن پیشەسازی چاندن (٤) پرۆژ و ب کوژمێ (٦٨,٦٥٠,٧٨٤) ملیون دولار.
٤- کارگەھێن پیشەسازی بازرگانی (١) پرۆژە و ب کوژمێ (١,٧٤٩,٨٥٩) ملیون دولار.
و کەدنژی ، دکتور ھەڤال سەدیق  دووپات کر ، کو  ل ساڵا ٢٠٢٥ێ گەلەک دەلیڤێن وەبەرھێنانێ دبوارێ پیشەسازی دا دێ ھەبن و دپرۆفایلێن وەبەرھێنانێ دا و لدویف پێدڤیاتییا ھەر دڤەرەکێ ئاماژە پێ ھاتییە کرن .
ھەڤال سەدیق زێدەکروگوت : “ئاسانکاریێن حکومەتا ھەرێما کوردستانێ دەرگەھەکە ژبۆ وێ چەندێ ، کو ھەرێما کوردستانێ و پارێزگەھا دھۆکێ ل ساڵێن بھێت دا بگەھیت وێ قوناغێ بەرھەمئینانا مە ژپێدڤیاتییامە پتربیت و ل وی دەمی نە ب تنێ بەرھەمێ خوراکی بەلکو گەلەک جورێن دی یێن بەرھەمان ب ھنێرین ژدەرڤەی کوردستانێ.
مالپەرێ فەرمی یێ پارتی دیموکراتی کوردستان ئامارێن جودا یێن رێڤەبەرییا گەشەپێدانا پیشەسازی ددەتە دیارکرن:
ھەر ل ساڵا ١٩٩٧ێ و ھەتا ٣١ی ھەیڤا ١٢ ساڵا ٢٠٢٣ێ ل پارێزگەھا دھۆکێ دگەل ئیدارا سەربەخۆ یا زاخۆ ژمارا کارگەھان گەھشتییە ٤٣١ کارگەھان, و ب تنێ دساڵا ٢٠٢٣ێ دا ١٤ کارگەە ب رێیا رێڤەبەرییا گەشەپێدانا پیشەسازی ھاتینە ڤەکرن و دوان ١٤ کارگەھان دا ٣٧٦ کارمەند ھاتینە دانان.

ل ھەرێما کوردستانێ و پارێزگەھا دھۆکێ ھەر زێدەگاڤییەک ژلایێ کارگەھان دکاری دا بھێتە کرن دێ ل دویف یاسا ژمارە ٢٠ یا ساڵا ١٩٩٨ێ ھێنە سزادان لێ بەری جێبەجێکرنا سزایێ ب ھەیڤەکێ, رێڤەبەرییا کارگەھا پیشیلکار دھێتە ئاگەھدارکرن.
سەجا شێرزاد