ڕاگەیاندنی پارتی پرسەنامەیەک ئاراستەی خانەوادەی (دکتۆر کەمال غەمبار) دەکات
ھەولێر-KDP.info- بەشی ڕۆشنبیری و ڕاگەیاندنی پارتی دیموکراتی کوردستان، بۆ کۆچی دوایی نووسەر و وەرگێڕ و ڕەخنەگر (دکتۆر کەمال غەمبار)، پرسە و سەرەخۆشیی ئاراستەی ماڵباتە بەڕێزەکەیان دەکات.
دەقی پرسەنامەکەی بەشی ڕۆشنبیری و ڕاگەیاندنی پارتی بۆ خانەوادەی (دکتۆر کەمال غەمبار).
بە دڵگرانییەکی زۆرەوە هەواڵی کۆچی دوایی (دکتۆر کەمال غەمبار)مان پێگەیشت بە خەمناکییەوە پرسە و سەرەخۆشیی خۆمان ئاراستەی ماڵباتە بەڕێزەکەیان دەکەین.
له خودای گه‌وره داواكارین ئارامی و دڵنه‌وایی به‌هه‌موو لایه‌ك ببه‌خشێت و گیانی کۆچکردوو بەر دلۆڤانی خۆی بخات.
(کەمال غەمبار) کەسایەتییەکی ڕووناکبیر و وەرگێڕ و ڕەخنەگر و نووسەرێکی دیار بوو، لەنێو کایەی ئەدەبیی و ڕۆشنبیریدا ڕۆڵێکی گرنگ و کاریگەری هەبوو، تەمەنێکی پڕ لە بەرهەم و بەخششی بۆ خزمەتکردنی بواری ئەدەبی و نووسین و وەرگێڕان تەرخان کردبوو و، کار و بەرهەمەکانی بەرز دەنرخێنین
بەشی ڕۆشنبیری و ڕاگەیاندنی پارتی دیموکراتی کوردستان
٣٠ی کانونی یەکەمی ٢٠٢٤
