پرسه‌نامه‌یه‌ك له سه‌رۆكى هه‌رێمى كوردستانه‌وه
ھەولێر-KDP.info- سەرۆکی ھەرێمی کوردستان، بۆ کۆچی دوایی عەمید (فەرھاد محەممەد) جێگری بەڕێوەبەری گشتیی پۆلیسی ھەرێمی کوردستان، پرسەنامەیەک ئاراستەی خانەوادەی ناوبراو دەکات.
دەقی پرسەنامەکەی نێچیرڤان بارزانی بۆ خانەوادەی (فەرھاد محەممەد).
پرسە و سەرەخۆشی لە خانەوادەی خوالێخۆشبوو عەمید فەرھاد محەممەد، جێگری بەڕێوەبەری گشتیی پۆلیسی ھەرێمی کوردستان دەکەم کە لە ڕووداوێکی ھاتوچۆدا گیانی لەدەستدا.
ھاوسۆز و ھاوخەمیانم، لە خوای مەزن داواکارم گیانی بە بەزەیی و میھرەبانیی خۆی شاد بکات و ئارامی و دڵنەوایی بە ھەمووان ببەخشێت.
نێچیرڤان بارزانی
سەرۆکی ھەرێمی کوردستان
