لێدوانێک لە گوتەبێژی سەرۆکایەتی ھەرێمی کوردستانەوە
هه‌ولێر-KDP.info- دڵشاد شھاب گوتەبێژی سەرۆکایەتیی ھەرێمی کوردستان لە لێدوانێکدا بۆ ماڵپەڕی سەرۆکایەتی ڕایگەیاند، ئەمڕۆ یەکشەممە ٢٠٢٤/١١/٢٤، کۆمیسیۆنی باڵای ھەڵبژاردنەکان بە نووسراوی فەرمی، سەرۆکایەتیی ھەرێمی کوردستانی لە پەسەندکردنی ئەنجامەکانی ھەڵبژاردنی خولی شەشەمی پەرلەمانی کوردستان، ئاگادارکردەوە.
سەبارەت بە ڕێوشوێنەکانی دوای پەسەندکردنی ئەنجامەکان، گوتەبێژی سەرۆکایەتی ڕوونیکردەوە کە بەپێی یاسای سەرۆکایەتیی ھەرێمی کوردستان، لە داھاتوویەکی نزیکدا بەڕێز سەرۆکی ھەرێمی کوردستان فەرمان بۆ بەڕێوەچوونی دانیشتنی یەکەمی خولی شەشەمی پەرلەمانی کوردستان، دەردەکات.
