ڕاگەیاندنی پارتی پرسەنامەیەک ئاراستەی خانەوادەی ھونەرمەند (زاهیر عەبدوڵڵا) دەکات
ھەولێر-KDP.info- بەشی ڕۆشنبیری و ڕاگەیاندنی پارتی دیموکراتی کوردستان، بۆ کۆچی دوایی ھونەرمەندی ناسراو (زاهیر عەبدوڵڵا)، پرسەنامەیەک ئاراستەی خانەوادەی ناوبراو دەکات.
دەقی پرسەنامەکەی بەشی ڕۆشنبیری و ڕاگەیاندن بۆ خانەوادەی ھونەرمەند (زاهیر عەبدوڵڵا)
بە دڵگرانییەکی زۆرەوە ھەواڵی کۆچی دوایی ھونەرمەندی دیاری ھەولێر و کوردستان “زاهیر عەبدوڵڵا”-مان پێگەیشت.
پرسە و سەرەخۆشیی قووڵی خۆمان ئاراستەی بنەماڵەی ھونەرمەندی ناسراو “زاهیر عەبدوڵڵا” دەکەین و ھاوبەشی خەمتانین.
خودای مەزن گیانی بە بەھەشت شاد بکات و ئارامی و دڵنەواییش بە بنەماڵەکەی ببەخشێت.
زاھیر عەبدوڵڵا ناوێکی دیاری بواری نواندن و سینەما و شانۆی کوردی بوو، مێژوو و ڕۆڵی لە ھونەری کوردیدا جێگەی شانازییە.
بەشی ڕۆشنبیری و ڕاگەیاندنی پارتی دیموکراتی کوردستان
۲۳ی نۆڤێمبەری٢٠٢٤
