پرسەنامەیەک لە سەرۆکی هەرێمی کوردستانەوە
ھەولێر-KDP.info- سەرۆکی ھەرێمی کوردستان سەرەخۆشیی خۆی بۆ کۆچی دوایی جۆیس بلەو ئاراستەی کەسوکار و ھاوکارانی دەکات و دەڵێت، "زۆرترین تەمەنی خۆی لە پشتگیریکردنی گەلی کوردستان بەسەر بردووە."
دەقی پرسەنامەکەی سەرۆکی ھەرێمی کوردستان.
سەرەخۆشیی قووڵم ئاراستەی خانەوادە و کەسوکاری خوالێخۆشبوو پرۆفیسۆر خاتوو جۆیس بلەو، دۆستی کورد و نووسەر و زمانناس و شارەزای زمان و ئەدەبی کوردی و ھاوکارانی لە ئەنستیتوی کوردی لە پاریس دەکەم. ھاوسۆز و ھاوخەمیانم.
خاتوو بلەو زۆرترین تەمەنی خۆی لە پشتگیریی گەلی کوردستان و خزمەت بە زمان و ئەدەب و کولتووری کوردیدا بەسەر بردووە. وەک دۆستێکی دڵسۆز و بە کار و بەرھەمەکانی، ھەمیشە لە یادماندا دەمێنتێەوە.
گیانی شادو یادی بەخێر
نێچیرڤان بارزانی
سەرۆکی ھەرێمی کوردستان
