ب سەدان ئەندام و کادرێن لایەنێن سیاسی پەیوەندیێ ب ڕێزێن پارتی دکەن
دھۆک-KDP.info- د بەردەوامییا کاریگەرییا بانگەشە و بەرنامەیێ پارتی دیموکراتی کوردستان یێ ھەلبژارتنێن خۆلا شەشێ یا پەرلەمانێ کوردستانێ ل سەر خەلکێ کوردستانێ ب گشتی و ئەندام و کادرێن لایەنێن دی، ئەڤڕۆ ڕێکەفتێ ٢٠٢٤⁄١٠⁄١٨ ب سەدان ئەندام و کادر و لایەنگرێن ئێکەتیێ و ھەڤپەیمانییا کوردستان یا سوسیالست ھاتنە د ناڤ ڕێزێن پارتی دا.
زبێر عەبدوڵڵا، کارگێڕێ لقێ ئێک یێ پارتی دیموکراتی کوردستان ل دھۆکێ د کۆنگرەکێ ڕۆژنامەڤانیدا بخێرھاتنەکا گەرم ب ھەمی وان ئەندام و کادران کر، کو د ناڤ وان دا کاندیدێن لایەنێن سیاسی و کادرێن پێشکەفتی ھەبوون و ب بیروباوەڕ و ئارەزومەندانە پەیوەندی ب ڕێزێن پارتی دیموکراتێ کوردستان کرن.
ژ لایێ خۆڤە د پەیڤەکێ دا نەدیار محمد جێگرێ بەرپرسێ مەلبەندێ پارتییا سۆسیالستا کوردستانێ ڕاگەھاند: بڕیارا ھاتنا وان بۆ ناڤ ڕێزێن پارتی ژ ئەنجامێ باوەڕیا وان بوویە ب سیاسەتا پارتی کو تاکە ھێزە خزمەتا دۆزا گەلێ کوردستانێ دکەت.
ژ لایەکێ دیڤە عومەرعابد دەشتۆ کارگێڕێ کۆمیتەیا ڕێکخستنا ئێکەتیێ ل سێمێلێ دەست ژ کارکێشانا خۆ ژ ئێکەتیێ ڕاگەھاند و دا دیارکرن کو ھەژمارا ئەندام و کادرێن ئێکەتیێ یێن دگەل وی پەیوەندی ب ڕێزێن پارتی کرین ٧٩ کەسن و پتر ژ ٣٠٠ لایەنگرێن دی یێن ئێکەتیێ ب وان ڤە گرێداینە.
ھەر د بەردەوامیا ھەلوەرینا ڕێکخستنێن ئێکەتیا نیشتمانی ل دھۆک و سێمێلێ، بنەمالەیێن سالح تەتۆ کارگێڕێ کۆمیتەیا سێمێلێ و بەرپرسێ بەشێ پەیوەندیێن مەلبەندێ ٤ و سالم تەتۆ ئەندامێ کۆمیتەیا سێمێلێ و بەڕپرسێ کەرتێ ١٦ ێ و ئەحمد تەتۆ کارگێڕێ کۆمیتەیا سێمێلێ و بەرپرسێ ئێکێ یێ پەیوەندیێن مەلبەندێ ٤ێ ئێکەتیا نیشتمانی ب کەس و کارێن خۆڤە کو ھەژمارا وان نێزیکی ٣٠٠ کەسانە ھاتنە ناڤ ڕێزێن پارتی.
بڵند ئیبراھیم
