د. سالار عوسمان پێشوازی لە بەرپرسی لقی ٦ی ئەوروپای پارتی کرد
ھەولێر-KDP.info- بەرپرسی بەشی ڕۆشنبیری و ڕاگەیاندنی پارتی دیموکراتی کوردستان پێشوازی لە بەرپرسی لقی ٦ی ئەوروپای پارتی و ھەڤاڵانی یاوەری کرد.
ڕۆژی ھەینی ١١ی ١٠ی ٢٠٢٤، د.سالار عوسمان، بەرپرسی بەشی ڕۆشنبیری و ڕاگەیاندنی پارتی دیموکراتی کوردستان بەیاوەری ھەڤاڵانی بەش، پێشوازی لە ھەڤاڵ سەرھەد غەفووری بەرپرسی لقی ٦ی ئەوروپای پارتی دیموکراتی کوردستان و کارگێڕانی لق و بەرپرسی ناوچەکانی لق و ھەڤاڵانی یاوەری کرد.
لە دیدارەکەدا ھەردوولا گفتوگۆیان لەبارەی چۆنیەتی و جەختکردنیان لەسەرخستنی لیستی ١٩٠ی پارتیمان کرد، ھەروەھا باسیان لە دروشم و بەرنامە و پلانی پارتیمان کرد کە ھەمیشە کاری کردووە لە پێناو زیاتر خزمەتکردنی خەڵک و ئاوەدانی و پڕۆژەی زیاتر لە پێناو کوردستانێکی گەشەسەندووتر.
جەختیشان کردەوە، پارتی بە سەرفرازییەوە بانگەشەی دەست پێکردووە کە دروشمەکەی ئارامی و ئاوەدانی و پێکەوەیی و خۆڕاگرییە.
