پارتى ئاهه‌نگه‌كا ب كۆم بۆ 100 بیك و زاڤایان ل ئامێدیێ گێڕا
دهۆك –KDP.info- ل سه‌ر فه‌رمانا سه‌رۆك بارزانى فه‌رمانده مه‌نسوور بارزانى ئه‌ڤرۆ رۆژا ئێكشه‌مبى 29/9/2024 ئاهه‌نگا ب كۆم بۆ 100 بیك و زاڤایێن ده‌ڤه‌را ئامێدیێ گێڕا.
فه‌رمانده مه‌نسوور بارزانى د ناڤ ڤێ ئاهه‌نگێ دا پشتى پیرۆزباهى ل بیك و زاڤایان كرى په‌یڤه‌ك پێشكێشكر و تێدا دیار كر كو ئه‌ڤ پرۆسا ئه‌ڤرۆ مه ئه‌نجامداى گه‌له‌ك لایه‌نێن دى دگۆتن بانگه‌شه‌یه بۆ هه‌لبژارتنان، به‌لێ چو راستى بۆ ڤێ چه‌ندێ نینه و ئه‌ز دبێژمه وان جه‌نابێ سه‌رۆك بارزانى ئه‌م یێن په‌روه‌رده‌كرین خزمه‌تكارێن ملله‌تێ خوه بین و كوردایه‌تیێ بكه‌ین، ژ به‌ر ڤێ چه‌ندێ ب ئانه‌هیا خودێ ئه‌ڤ پرۆسه دێ سالانه یا به‌رده‌وام بیت نه بتنێ ل پارێزگه‌ها دهۆكێ به‌لكو دێ بزاڤان كه‌ین ل پارێزگه‌هـێن دى یێن هه‌رێما كوردستانێ و ئیدارێن سه‌ربه‌خۆ یێن هه‌رێمێ ژى ئه‌ڤ پرۆسه بهێته ئه‌نجامدان.
به‌ره‌ڤان حه‌مدى، به‌رپرسێ لقێ 18 یێ پارتى دیموكراتى كوردستان ئاشكرا كر كو ئه‌ڤرۆ 100 كچ و كورێن ڤێ ده‌ڤه‌رێ چوونه د هێلینا زێرین دا، ئه‌ڤ ئاهه‌نگا ب كۆم ب مه‌ره‌ما بانگه‌شه‌یا هه‌لبژارتنان نه‌هاتیه ئه‌نجامدان، به‌لێ ئه‌م یێ پێنگاڤێ بۆ سوبه‌هیه‌كا باشتر د هاڤێژین و شانازیێ ب ده‌ستكه‌فتێن خوه دكه‌ین.
رێوار محه‌مه‌د ره‌شید
