مه‌سروور بارزانی و باڵیۆزی فەرەنسا هاوڕابوون لەسەر دەستپێکردنەوەی هەناردەکردنی نەوتی هەرێم لە زووترین کاتدا
ھەولێر-KDP.info- ئەمڕۆ چوارشەممە 9/25 ، مەسروور بارزانی، سەرۆکی حکوومەتی هەرێمی کوردستان، پێشوازی لە پاتریک دۆرێل، باڵیۆزی فەرەنسا لە عێراق کرد.
لە دیدارەکەدا دوایین گۆڕانکاری و پێشهاتەکانی دۆخی گشتیی عێراق و پەرەپێدانی پەیوەندیی دوولایەنە تاووتوێ کرا.
لە بەشێکی دیکەی گفتوگۆکاندا، بیروڕا لەبارەی ئامادەکارییەکانی ئەنجامدانی هەڵبژاردنی پەرلەمانی کوردستان ئاڵوگۆڕ کرا.
هەردوولا هاوڕا بوون لەسەر بەڕێوەچوونی هەڵبژاردنێکی پاک و ئازاد و لە ژێر چاودێریی نێودەوڵەتی و دوور لە پێشێلکاری.
هەروەها هاوڕا بوون لەسەر پێویستیی دەستپێکردنەوەی هەناردەکردنی نەوتی هەرێمی کوردستان لە زووترین کاتدا، چونکە وەستانی زیانێکی زۆری بە بودجەی گشتیی فیدرال گەیاندووە.
