سەرۆکی حکوومەت پێشانگای نێودەوڵەتیی بیناسازیی عێراقی لە هەولێر كردەوە
ھەولێر-KDP.info- سەرۆکی حکوومەتی هەرێمی کوردستان، پێشانگای نێودەوڵەتیی بیناسازیی عێراقی لە هەولێر کردەوە.
ئەمڕۆ سێشەممە، مەسروور بارزانی، سەرۆکی حکوومەتی هەرێمی کوردستان، پێشانگای نێودەوڵەتیی بیناسازیی عێراق (Construct Iraq)ی لە هەولێر کردەوە.
سەرۆکی حکوومەت بەشەکانی پێشانگاکەی بەسەر کردەوە کە زیاتر لە 400 کۆمپانیای بواری بیناسازی و خانووبەرە لە هەرێمی کوردستان و عێراق و دەرەوە بەشدارییان تێدا کردووە، نوێترین بەرهەمەکانیان لە بواری بیناسازی و ئاوەدانکردنەوە خستووەتە ڕوو، پێشانگاکەش بۆ ماوەی سێ ڕۆژ بەردەوام دەبێت.
