به‌رێ بنیاتى بۆ جووتسایده‌كى نوى ل ته‌ناهیێ هاته دانان
دهۆك-KDP.info- د به‌رده‌وامیا چێكرنا پرۆژێن نوى یێن خزمه‌تگۆزارى دا یێن كو ل سه‌ر ده‌مێ كابینا نه‌هێ یا حكومه‌تا هه‌رێما كوردستانێ دهێنه چێكرن د رێوره‌سمه‌كى دا ئه‌ڤرۆ رۆژا چارشه‌مبى 18/9/2024 به‌رێ بنیاتى ژ لایێ "د.عه‌لى ته‌ته‌ر" پارێزگارێ دهۆكێ ڤه بۆ پرۆژێ ڤه‌كرن و چێكرنا جووتسایده‌كى ل ته‌ناهیێ هاته دانان.
د.عه‌لى ته‌ته‌ر، پارێزگارێ دهۆكێ ئاشكرا كر كو به‌رێ بنیاتى بۆ قووناغا ئێكێ یا ریكه‌كا گه‌له‌ك گرنگ ب درێژاهیا 2.1كم ژ جادا 60مه‌ترى به‌رامبه‌ر یه‌كێن ئاكنجیبوونێ ل نێزیكى ته‌ناهیێ هه‌تا دگه‌هیته فلكا زركا هاته دانان و ب ده‌هان هزار خێزان دێ ژ ڤى پرۆژه‌یى د مفاداربن، ژ به‌ر كو ئه‌ڤ رێكه باژێرێ دهۆكێ و باژێرێ سێمێلێ پێكڤه گرێده‌ت و گۆت: "ئه‌ڤ پرۆژه ب گوژمێ هه‌شت ملیار و 169 ملیۆن دیناران دێ هێته بجهئینان".
پارێزگارێ دهۆكێ ئاماژه دا وێ چه‌ندێ كو ل دوو رۆژێن بورى نێزیكى گوژمێ 50 ملیار دیناران ژماره‌كا مه‌زن یا پرۆژان ل هه‌ر ئێك ژ قه‌زا دهۆك و سێمێل و شێخان ره‌وانه‌یى بجهئینانێ كرن، ژ بلى وان پرۆژێن نوكه كار تێدا دهێته‌كرن و ل ده‌مه‌كێ نێزیك پرۆژێن نوى یێن خزمه‌تگۆزارى دێ ل قه‌زایێن دى یێن پارێزگه‌ها دهۆكێ ژى هێنه بجهئینان.
رێوار محه‌مه‌د ره‌شید
