مەکتەبی سیاسی، سەرەخۆشی لە هەڤاڵی بەڕێز عارف تەیفور دەکات
ھەولێر-KDP.info- مەکتەبی سیاسیی پارتی دیموکراتی کوردستان، بۆ کۆچی دوایی (ناهیە شێخ تەیفور) خوشکی بەڕێز (عارف تەیفور) پرسە و سەرەخۆشیی ئاراستەی کەسوکار و بنەماڵەكه‌یان دەكات.
دەقی پرسەنامەکەی مەکتەبی سیاسیی پارتی.
هەڤاڵی بەڕێز عارف تەیفور
بە دڵگرانیەوە هەواڵی کۆچی دوایی، خوشکی بەڕێزتان (ناهیە شێخ تەیفور)مان بیست، بە خەمناکییەوە پرسە و سەرەخۆشیی خۆمان ئاراستەی ئێوە و کەسوکار و بنەماڵە تێکۆشەرەکەتان دەکەین، خۆمان بە هاوخەمی ئێوە دەزانین.
هیوادارین هاوسۆزی هەڤاڵان و دۆست و خزمانی خوالێخۆشبوو ببێتە مایەی سەبووری و ئارامگرتنتان و لە خەم و ناخۆشیتان کەم بکاتەوە و ئەمە دوا کۆستتان بێت.
مەکتەبی سیاسیی پارتی دیموکراتی کوردستان
١٥ی ئەیلوولی ٢٠٢٤
