پارتی، پرسەنامەیەک ئاراستەی خانەوادەی (قەهار خەلیل کۆرێمەیی) دەکات
ھەولێر-KDP.info- مەکتەبی سیاسیی پارتی دیموکراتی کوردستان، پرسەنامەیەک ئاراستەی خانەوادەی خوالێخۆشبوو (قەهار خەلیل محەمەد کۆرێمەیی) دەكات.
دەقی پرسەنامەکەی مەکتەبی سیاسیی پارتی دیموکراتی کوردستان بۆ خانەوادەی خوالێخۆشبوو (قەهار خەلیل محەمەد کۆرێمەیی)
بەڕێزان/ خانەوادەی خوالێخۆشبوو (قەهار خەلیل محەمەد کۆرێمەیی)
بە غەم و پەژارەوە هەواڵی کۆچی دوایی، پێشمەرگەی دێرین، هەڤاڵی خوالێخۆشبوو (قەهار خەلیل محەمەد کۆرێمەیی)مان بیست، بە خەمناکییەوە پرسە و سەرەخۆشیی خۆمان ئاراستەی ئێوە و کەسوکار و بنەماڵە بەڕێزەکەتان دەکەین، خۆمان بە هاوبەشی خەمتان دەزانین.
هیوادارین هاوخەمی دۆست و خزمانی خوالێخۆشبوو ببێتە مایەی سەبووری و ئارامگرتنتان و لە خەم و ناخۆشیتان کەم بکاتەوە و ئەمە دوا کۆستتان بێت.
مەکتەبی سیاسیی پارتی دیموکراتی کوردستان
٢٨ی ئابی ٢٠٢٤
