ڕاگەیاندنی پارتی پیرۆزبایی ساڵیادی دامەزراندنی ڕادیۆی بەردەڕەش دەکات
ھەولێر-KDP.info- بەشی ڕۆشنبیری و ڕاگەیاندنی پارتی دیموکراتی کوردستان، بە بۆنەی(٣)ەمین ساڵیادی دامەزراندنی ڕادیۆی بەردەڕەش پەیامێکی پیرۆزبایی ئاراستەی ڕادیۆکە کرد، ئەمەی خوارەوە دەقی پیرۆزباییەکەیە.
بەڕێزان / بەڕێوەبەر و ستافی بەڕێوەبردن و ھونەرکاران و سەرجەم کارمەندانی ڕادیۆی بەردەڕەش
بە بۆنەی (٣)یەمین ساڵیادی دامەزراندنی ڕادیۆی بەردەڕەش، گەرمترین پیرۆزبایی لە ئێوەی ھێژا و بیسەرانی ئازیزی ڕادیۆکەتان دەکەین، ئومێدەوارین بۆ ساڵی داھاتوو ھەنگاوی باشتر بنێن و لەو دەڤەرە ئازیزەدا زیاتر خزمەتی بواری ڕاگەیاندن بکەن و لە ئاست ئەو ئەرکە پیرۆزەتان بن.
ڕادیۆی بەردەڕەش لەو ماوەی تەمەنی کارکردنیدا توانیویەتی ڕۆڵی شیاوی خۆی ببینێ و لە خزمەت پەیامەکەی و خواست و ویستی ھاووڵاتییان دابێت، لەو دەرفەتەدا پشتیوانیی خۆمان بۆ زیاتر پێشکەوتنی ڕادیۆی بەردەڕەش دووپات دەکەینەوە و ھەر بەردەوام و سەرکەوتوو بن.
بەشی ڕۆشنبیری و ڕاگەیاندنی پارتی دیموکراتی کوردستان
١٨ی ئابی ٢٠٢٤
