مامۆستایه‌كی زانكۆ: سه‌رۆك بارزانی پارێزه‌ری میلله‌ت بووه
هەولێر-KDP.info- لە پێشوازی یادی 78 ساڵه‌ی دامه‌زراندنی پارتی، مامۆستایه‌كی زانكۆ دەڵێت: سه‌رۆك بارزانی ڕۆڵێكی گه‌وره‌ی هه‌بووه له بزاڤی ڕزگاریخوازی كورد و پارێزه‌ری میلله‌ت بووه.
د.سانع شه‌ریف، مامۆستای زانكۆ و پسپۆڕی زانسته سیاسییه‌كان به ماڵپه‌ڕی فه‌رمیی پارتی دیموكراتی كوردستانی ڕاگه‌یاند: سەرۆک مەسعود بارزانی وەک سەرۆکی پارتی دیموکراتی کوردستان ڕۆڵی گەورەی ھەبووە بۆ خەباتی کورد، بۆ ماف و ئۆتۆنۆمی و دانپێدانانی گەل، بەرجەستەبوونی ئاوات و خۆڕاگری و پێناسی گەلی کورد ڕەنگدانەوەی سەرکردایەتییە ژیر و حەکیمیەکەی بەڕێزیانە. لە ساڵیادی دامەزراندنی پارتی دیموکراتی کوردستان، جێی خۆیەتی ئەو کاریگەرییە قووڵە ئەرێنییەی سەرۆک بارزانی لەسەر هەرێمی کوردستان و گەلەکەی دروستی کردووە، بەردەوامی پێ بدرێت و بەرەو پێشەوە ببرێت.
ئه‌و مامۆستایه‌ی زانكۆ پێی وایه: سەرۆک بارزانی خاوەن سەرکردایەتییەکە، هەمیشە دڵنیایی داوە کە حزب وەک هێزێکی بەهێز و یەکگرتوو لە بەرامبەر تەحەدا جۆراوجۆرەکانی سەر مافەکانی گەلی کورد و هەرێمی کوردستان دەمێنێتەوە، بۆیە بە گەڕانەوە بۆ مێژوو تاکو ئێستا پارتی دیموکراتی کوردستان لەژێر سەرکردایەتی ئەودا ڕۆڵی سەرەکی خۆی لە داینامیکی سیاسی هەرێمی کوردستان و عێراقدا پاراستووە. ناوبراو بە لێهاتووییەوە لە قۆناغە گرینگەکاندا ڕۆڵی سەرەکی و ژیرانەی بەڕێکردووە، لەوانە شەڕی داعش و هەوڵدان بۆ مافی چارەیخۆنوسینی کورد و، بەرگریی لە قەزیەی کورد لە عێراقی فیدڕاڵ دا.
د.سانع شه‌ریف ئاماژه‌ی بۆ ئه‌وه كرد: سەرۆک بارزانی هەمیشە پارێزەری مافەکانی کورد بووە، بە درێژایی قۆناغەکان کە سەرۆکی پارتییە، داکۆکیکارێکی چەسپاو بووە بۆ مافەکانی کورد و کوردستان، ماندوونەناسانە کاری بۆ دەستەبەرکردنی ئازادییە سیاسی و ئابووری و کولتوورییە گەورەکان بۆ گەلی کورد کردووە. هەوڵەکانی ڕۆڵی سەرەکییان هەبوو لە چەسپاندنی پێگەی هەرێمی کوردستان وەک هەرێمێکی نیمچە سەربەخۆ (فیدراڵ) بە حکوومەت و هێزی چەکدار و دامەزراوە سیاسییەکانی خۆیەوە لە دەستووری هەمیشەیی عێراقدا.
قائید میرۆ
