مەکتەبی سیاسی پرسەنامەیەک ئاراستەی هونەرمەندی ناسراو (وەلید مەعرووف) دەکات
ھەولێر-KDP.info- مەکتەبی سیاسیی پارتی دیموکراتی کوردستان، پرسەنامەیەک ئاراستەی هونەرمەندی ناسراو وەلید مەعرووف دەکات. ئەمەی خوارەوەش دەقی پرسەنامەکەیە.
بەڕێز/ وەلید مەعرووف
بە دڵگرانییەکی زۆرەوە هەواڵی کۆچی دوایی دایکی بەڕێزتانمان بیست، بە خەمناکییەوە پرسە و سەرەخۆشی خۆمان ئاراستەی ئێوە و کەسوکار و بنەماڵە بەڕێزەکەتان دەکەین، خۆمان بەهاوبەشی خەمتان دەزانین.
ئومێدەوارین دڵنەوایی و هاوخەمی ئازیز و دۆست و خزمانتان ببێتە مایەی سەبووری و ئارامگرتنتان و لە خەم و نیگەرانیتان کەم بکاتەوە و لە کۆستی دیکە بە دووربن.
مەکتەبی سیاسیی پارتی دیموکراتی کوردستان
٦ی تەممووزی ٢٠٢٤
