مەسرور بارزانی سەرەخۆشی لە بنەماڵەی شێخ جەلال بابەشێخی سیرێ دەکات
ھەولێر-KDP.info- سەرۆکی حکوومەتی هەرێمی کوردستان پرسە و سەرەخۆشی ئاراستەی بنەماڵەی شێخ جەلال شێخ عەبدولقادری بابەشێخی سیرێ دەکات.
مەسرور بارزانی، سەرۆکی حکوومەتی هەرێمی کوردستان لە پرسەنامەیەکدا، کە ئەمڕۆ پێنجشەممە، ٤-٧-٢٠٢٤، بڵاوی کردووەتەوە، دەڵێت: "بۆ کۆچی دوایی خوالێخۆشبوو شێخ جەلال شێخ عەبدولقادری بابەشێخی سیرێ، کەسایەتیی ناسراوی ناوچەی شارباژێڕ، پرسە و سەرەخۆشی لە بنەماڵە بەڕێزەکەی دەکەم و هاوبەشی خەمیانم".
سەرۆکی حکوومەت لە بەشێکی دیکەی پەیامەکەیدا ئاماژەی بەوەش کردووە: "خوای مەزن گیانی بە بەهەشت شاد بکات و سەبر و ئارامییش بە کەسوکاری ببەخشێت".
مەسرور بارزانی
سەرۆکی حکوومەتی هەرێمی کوردستان
