باره‌گای بارزانی به‌رنامه‌ی سه‌ردانه‌كه‌ی سه‌رۆك بارزانی بڵاو ده‌كاته‌وه
بەغدا-KDP.info- پێشنیوەڕۆی ئەمڕۆ چوارشەممە، 03-07-2024، سەرۆک مەسعود بارزانی بە یاوەری شاندێکی باڵای هەرێمی کوردستان، گەیشتە فڕۆکەخانەی نێودەوڵەتیی بەغدا و لەلایەن شاندێکی باڵای حکوومەتی عێراقەوە پێشوازی لێ کرا.
بە گوێرەی ڕاگەیەندراوی بارەگای بارزانی، سەرۆک بارزانی لە شاری بەغدا، زنجیرەیەک کۆبوونەوە لەگەڵ لایەنە فەرمی و سیاسییەکانی عێراق دەکات و دیداری لەگەڵ سەرکردە سیاسیەکان دەبێت.
یەکەم کۆبوونەوەی سەرۆک بارزانی لە بەغدا، کاتژمێر 01:00ـی دوای نیوەڕۆ دەبێت، لەگەڵ محەممەد شیاع سوودانی، سەرۆکوەزیرانی عێراق. داوتر کاتژمێر 02:00 لەگەڵ هاوپەیمانیی بەڕێوەبردنی دەوڵەت کۆ دەبێتەوە.
