مەکتەبی سیاسی پرسەنامەیەک ئاراستەی خانەوادەی (موئەیەد داود یار) دەکات
ھەولێر-KDP.info- مەکتەبی سیاسیی پارتی دیموکراتی کوردستان، پرسەنامەیەک ئاراستەی خانەوادەی کادیری دڵسۆز و ناسراوی ڕاگەیاندن، خوالێخۆشبوو هەڤاڵ (موئەیەد داود یار) دەکات. ئەمەی خوارەوەش دەقی پرسەنامەکەیە.
بەڕێزان/ خانەوادەی هەڤاڵی خوالێخۆشبوو (موئەیەد داود یار)
بە دڵگرانییەوە هەواڵی کۆچی دوایی کادیری دڵسۆز و ناسراوی ڕاگەیاندن، خوالێخۆشبوو هەڤاڵ (موئەیەد داود یار)مان بیست، خۆمان بە هاوبەشی خەمتان دەزانین.
ئومێدەوارین دڵنەوایی و هاوخەمی هەڤاڵ و خزم و هاوکارانی خوالێخۆشبوو ببێتە مایەی سەبووری و ئارامگرتنتان و لە خەم و پەرۆشیتان کەم بکاتەوە و ئێوەش لە کۆستی دیکە بە دوور بن.
مەکتەبی سیاسیی پارتی دیموکراتی کوردستان
۳۰ی حوزەیرانی ٢٠٢٤
