مەکتەبی سیاسی پرسەنامەیەک ئاراستەی دکتۆر ڤیان سەبری دەکات
ھەولێر-KDP.info- مەکتەبی سیاسیی پارتی دیموکراتی کوردستان، پرسەنامەیەک ئاراستەی هەڤاڵی بەڕێز خاتوو (د.ڤیان سەبری) دەکات.
دەقی پرسەنامەی مەکتەبی سیاسیی پارتی دیموکراتی کوردستان.
بۆ هەڤاڵی بەڕێز خاتوو (د.ڤیان سەبری)
بە داخ و پەژارەیەکی زۆرەوە هەواڵی کۆچی دوایی هاوسەری بەڕێزتان (د. موحسین محەممەد ڕەشید)مان بیست، بە خەمناکییەوە پرسە و سەرەخۆشیی خۆمان ئاراستەی ئێوە و کەسوکار و بنەماڵە بەڕێزەکەتان دەکەین، خۆمان بەهاوبەشی خەمتان دەزانین.
ئومێدەوارین دڵنەوایی و هاوخەمی هەڤاڵ و دۆست و ئازیزانتان ببێتە مایەی سەبووری و ئارامگرتنتان و لە خەم و نیگەرانیتان کەم بکاتەوە و لە کۆستی دیکە بە دوور بن.
مەکتەبی سیاسیی پارتی دیموکراتی کوردستان
۲۹ی حوزەیرانی ٢٠٢٤
