مەکتەبی سیاسی پرسەنامەیەک ئاراستەی خانەوادەی هەڤاڵ (شەفیق قرخی) دەکات
ھەولێر-KDP.info- مەکتەبی سیاسیی پارتی دیموکراتی کوردستان، پرسەنامەیەک ئاراستەی خانەوادەی خوالێخۆشبوو هەڤاڵ (شەفیق قرخی) دەکات.
دەقی پرسەنامەکەی مەکتەبی سیاسیی پارتی دیموکراتی کوردستان بۆ خانەوادەی هەڤاڵ (شەفیق قرخی)
بەڕێزان/ خانەوادەی خوالێخۆشبوو هەڤاڵ شەفیق قرخی
بە دڵگرانییەوە هەواڵی کۆچی دوایی خوالێخۆشبوو هەڤاڵ (شەفیق قرخی) مان بیست، خۆمان بە هاوبەشی خەمتان دەزانین.
ئومێدەوارین دڵنەوایی و هاوخەمی هەڤاڵ و خزمانی خوالێخۆشبوو ببێتە مایەی سەبووری و ئارامگرتنتان و لە خەم و خەفەتتان کەم بکاتەوە و داواکارین لە خوای گەورە خوالێخۆشبوو بە بەهەشتی بەرین شاد بکات و ئێوەش لە کۆستی دیکە بە دوور بگرێت.
مەکتەبی سیاسیی پارتی دیموکراتی کوردستان
١٣ی حوزەیرانی ٢٠٢٤
