سه‌رۆكى دیوان پێشوازى له كونسوڵى گشتیى ئیمارات كرد
ھەولێر-KDP.info- ئه‌مڕۆ پێنجشه‌ممه 2024/5/23 به‌ڕێز فه‌وزى هه‌ریرى، سه‌رۆكى دیوانى سه‌رۆكایه‌تیى هه‌رێمى كوردستان، له‌گه‌ڵ به‌ڕێز ئه‌حمه‌د ئیبراهیم ئه‌لزاهرى، كونسوڵى گشتیى ئیمارات له هه‌رێمى كوردستان، كۆبووه‌وه.
له كۆبوونه‌وه‌كه‌دا ده‌رباره‌ى چۆنیه‌تیى بره‌ودان به په‌یوه‌ندییه‌كانى ئیمارات له‌گه‌ڵ عێراق و هه‌رێمى كوردستان به‌تایبه‌تى فراوانكردنى جووڵه‌ى بازرگانیى نێوان هه‌ردوولا، بیروڕایان گۆڕییه‌وه، هه‌روه‌ها تیشكیان خسته سه‌ر ده‌رفه‌ت و بواره‌كانى وه‌به‌رهێنان و سه‌رمایه‌گوزاریى ئیماراتى له هه‌رێمى كوردستان.
