مەسروور بارزانی: نزا بۆ سەلامەتی سەرکۆماری ئێران و سەرنشینەکانی هێلیکۆپتەرەکە دەکەین
ھەولێر-KDP.info- مەسروور بارزانی، سەرۆكوەزیرانی هەرێمی كوردستان سەبارەت بە كەوتنەخوارەوەی ئەو هێلیكۆپتەرەی كە سەركۆماری ئێران و ژمارەیەك بەرپرسی دیكەی وڵاتەكەی تێدا بووە پەیامێكی بڵاو كردەوە.
مەسروور بارزانی، پەیامەكەی لە تۆڕی كۆمەڵایەتیی (X) بڵاو كردووەتەوە و تیایدا هاتووە، "ڕووداوی کەوتنەخوارەوەی هێلیکۆپتەری سەرکۆماری ئێران مایەی نیگەرانیمانە."
سەرۆكوەزیرانی هەرێمی كوردستان دەشڵێ: "هیوادارم سەرۆک ڕەئیسی و سەرنشینەکانی دیکە سەلامەت بن. دڵمان لەلای خۆیان و خێزانەکانیانە و نزا بۆ سەلامەتی هەموویان دەکەین."
