مەسروور بارزانی 31 ساڵیا دامەزراندنا بنگەهێ لالش یێ ڕەوشەنبیری و جڤاکی پیرۆز دکەت

ھەولێر-KDP.info- ئەڤرۆ ئێكشەممە 12/5/2024، مەسروور بارزانی، سەرۆكێ حکوومەتا هەرێما کوردستانێ، 31 ساڵیا دامەزراندنا بنگەهێ لالش یێ ڕەوشەنبیری و جڤاکی پیرۆز دکەت، پشتەڤانییا حکوومەتا هەرێما کوردستانێ بۆ بنگەهێ لالش و مافێن خوشک و برایێن ئێزیدی دووپات دکەتەڤە.

دەقا پەیاما سەرۆكێ حکوومەتا هەرێما کوردستانێ:

ب هەلکەفتا ساڵڤەگەڕا 31ێ یا دامەزراندنا بنگەهێ لالش یێ رەوشەنبیری و جڤاکی، پیرۆزباهییان ئاراستەی سەرۆک و ئەندامێن دەستەیا بلند و هەموو خووشک و برایێن ئێزدی دکەم و هیڤییا سەرکەفتنێ بۆ هەوە دخوازم.

هیڤیدارم بنگەهێ لالش یێ بەردەوام بیت ل خزمەتکرنا كولتوورێ ڕەسەنێ کوردی و پویتەپێدانا داب و نەریتێن جڤاكا ئێزیدی و جانێ برایەتیێ وپێکڤەژیانێ ل ناڤ تەڤایا پێکهاتەیێن کوردستانێ.

ب ڤێ هەلکەفتێ، ئەم پشتەڤانییا حکوومەتا هەرێما کوردستانێ بۆ بنگەهێ لالش و مافێن خووشک و برایێن ئێزیدی ب گشتی دووپات دکەینەڤە.

 

مەسروور بارزانی

سەرۆکێ حکوومەتا هەرێما کوردستانێ

2024/5/12