مەکتەبی سیاسی پرسەنامەیەک ئاراستەی خانەوادەی دڵشاد چاوشلی دەکات
ھەولێر-KDP.info- مەکتەبی سیاسیی پارتی دیموکراتی کوردستان، پرسەنامەیەک ئاراستەی خانەوادەی دڵشاد چاوشلی دەکات.
دەقی پرسەنامەکەی مەکتەبی سیاسیی پارتی دیموکراتی کوردستان بۆ خانەوادەی (دڵشاد چاوشلی)
بەڕێزان خانەوادەی (دڵشاد چاوشلی) سەرۆکی پارتی دیموکراتی تورکمان.
بە داخ و پەژارەیەکی زۆرەوە ھەواڵی کۆچی دوایی ھاوسەری بەڕێزتان خوالێخۆشبوو خاتوو (ئایدن فایەق بەزاز) مان بیست، بە خەمناکییەوە پرسەو سەرەخۆشی خۆمان ئاراستەی ئێوە و کەسوکار و بنەماڵە بەڕێزەکەتان دەکەین، خۆمان بەھاوبەشی خەمتان دەزانین.
ئومێدەوارین دڵنەوایی و ھاوخەمی دۆست و ئازیزانتان ببێتە مایەی سەبووری و ئارامگرتنتان و لە خەم و نیگەرانیتان کەم بکاتەوە و لە خوای گەورەش داواکارین خوالێخۆشبوو بە بەھەشتی بەرین شاد بکات و ئێوەش لە کۆستی دیکە بە دوور بگرێت.
مەکتەبی سیاسیی پارتی دیموکراتی کوردستان
١٧ی نیسانی٢٠٢٤
