پەیاما سەرۆك بارزانی ب هەلکەفتا جەژنا سەر سالا ئێزدییان

ھەولێر-KDP.info- سەرۆك بارزانی ئەمڕۆ سێشەممه‌ پەیامێكی پیرۆزبایی بەبۆنەی جەژنی سەری ساڵی ئێزیدی بڵاوكردەوە و رایگەیاند كە خوشك و برایانی ئێزیدی بەشەكی رەسەنی گەلی كوردستانن و هەموو بەیەكەوە لە خۆشی و سەركەوتن و ئازار و ناخۆشیدا هاوبەشن.

سەرۆك بارزانی هەر لە پەیامەكەدا راگەیاند كە پێویستە خوشك و برایانی ئێزیدی بە سەربەستی و ئازادی بگەڕێنەوە شوێن و ناوچەكانیان و كۆتایی بە ئاوارەیی و نەهامەتییەكانیان بهێنرێت.

دەقی پەیامەكەی سەرۆك بارزانی بەبۆنەی جەژنی سەری ساڵی ئێزیدی:

ب ناڤێ خودێ یێ مەزن و دلوڤان

ب هەلکەفتا هاتنا جەژنا سەر سالا ئێزدییان، گەرمترین پیرۆزباهیێن خۆ ئاراستەی هەمی خوشك و برایێن ئێزدی ل كوردستانێ و جیهانێ دكەم و هیڤیا بەختەوەری و کەیفخۆشیێ بۆ وان دخوازم.

خوشك و برایێن ئێزدی بەشەکێ رەسەنێ گەلێ كوردستانێ نە و د خۆشی و سەركەڤتن و ئازار و نەخۆشیاندا ئەم هەمی هەڤپشكین. پێدڤیە خوشك و برایێن ئێزدی ب سەربەستی و ئازادی بزڤرنە لـ سەر جھـ و وارێ خوە و دووماهی ب ئاوارەیی و ئەو نەهامەتیا بهێت كو نەحەزێت گەلێ كوردستانێ ب سەر وان دا سەپاندین. كوردستان وەلاتێ پێكڤەژیانێ یە و پێدڤیە ئەڤ فەرهەنگا دەوڵەمەند بھێتە پاراستن.

هیڤیدارم هەمی جەژن و هەلکەفتێن هەوە ب ئاشتی و دلخۆشی دەرباز ببن، بمینن ب خێر و خۆشی.

 

مسعود بارزانی

16ـی نیسانا 2024