پەیامی سەرەخۆشیی سەرۆک بارزانی بۆ کۆچی دوایی هاوژینی دکتۆر فواد حوسێن

ھەولێر-KDP.info- سەرۆک بارزانی بۆ کۆچی دوایی هاوژینی فوئاد حوسێن، وەزیری دەرەوەی عێراق پرسەنامەیەکی ئاراستە کرد و دەڵێ، لەم کۆست و بۆنە خەمناکەدا سەرەخۆشی لە بەڕێزتان دەکەم و خۆم بە هاوبەشی خەمی ئێوە و خانەوادەکەتان دەزانم.

دەقی پرسەنامەکەی سەرۆک بارزانی بۆ کۆچی دوایی هاوژینی دکتۆر فواد حوسێن..

بەناوی خودای مەزن و دلۆڤان

برای بەڕێزم کاک دکتۆر فواد حوسێن

بە بیستنی هەواڵی کۆچی دوایی هاوژینتان (خاتوو کارۆلینا مۆنتیسۆری) زۆر خەمبار بووم. لەم کۆست و بۆنە خەمناکەدا سەرەخۆشی لە بەڕێزتان دەکەم و خۆم بە هاوبەشی خەمی ئێوە و خانەوادەکەتان دەزانم.

لە خودای گەورە داواکارم ڕۆحی خوالێخۆشبوو خاتوو کارۆلینا بە بەهەشتی بەرین شاد بکات و سەبر و ئارامی بە ئێوە ببەخشێت.

 

انا لله و انا الیە راجعون

 

مسعود بارزانی

8ی نیسانی 2024