مەکتەبی سیاسی پرسەنامەیەک ئاراستەی خانەوادەی (سەید ئەحمەد تاوگۆزی) دەکات
ھەولێر-KDP.info- مەکتەبی سیاسیی پارتی دیموکراتی کوردستان، پرسەنامەیەک ئاراستەی خانەوادەی (سەید ئەحمەد سەید محەمەد عەلی تاوگۆزی) دەکات.
دەقی پرسەنامەکەی مەکتەبی سیاسیی پارتی دیموکراتی کوردستان بۆ خانەوادەی (سەید ئەحمەد سەید محەمەد عەلی تاوگۆزی)
بەڕێزان/ خانەوادەی خوالێخۆشبوو (سەید ئەحمەد سەید محەمەد عەلی تاوگۆزی)
بە داخ و پەژارەیەکی زۆرەوە هەواڵی کۆچی دوایی سەرۆکی عەشیرەتی تاوگۆزی خوالێخۆشبوو (سەید ئەحمەد سەید محەمەد عەلی تاوگۆزی)مان بیست، بە خەمناکییەوە پرسە و سەرەخۆشی خۆمان ئاراستەی ئێوە و کەسوکار و بنەماڵە تێکۆشەرەکەتان دەکەین، خۆمان بە هاوبەشی خەمتان دەزانین.
ئومێدەوارین دڵنەوایی و هاوخەمی دۆست و ئازیز و ناسیاو و خزمانی خوالێخۆشبوو ببێتە مایەی سەبووری و ئارامگرتنتان و لە خەم و خەفەتتان کەم بکاتەوە، دووبارە پرسە و سەرەخۆشی خۆمان دووپات دەکەینەوە، داواکارین لە خوای گەورە خوالێخۆشبوو بە بەهەشتی بەرین شاد بکات و ئێوەش لە کۆستی دیکە بە دوور بگرێت .
مەکتەبی سیاسیی پارتی دیموکراتی کوردستان
٢٣ی ئاداری ٢٠٢٤
