مەکتەبی سیاسی پرسەنامەیەک ئاراستەی خانەوادەی (حەمە کەریم و خەلیل شەمێرانی) دەکات
ھەولێر-KDP.info- مەکتەبی سیاسیی پارتی دیموکراتی کوردستان، پرسەنامەیەک ئاراستەی خانەوادەی (حەمە کەریم مەحموود شەمێرانی و خەلیل مەحموود شەمێرانی) دەکات.
دەقی پرسەنامەکەی مەکتەبی سیاسیی پارتی دیموکراتی کوردستان بۆ خانەوادەی (حەمە کەریم مەحموود شەمێرانی و خەلیل مەحموود شەمێرانی)
بەڕێزان/ خانەوادەی هەڤاڵان (حەمە کەریم مەحموود شەمێرانی و خەلیل مەحموود شەمێرانی)
بە دڵگرانییەکی زۆرەوە هەواڵی کۆچی دوایی خوالێخۆشبوو، خاتوو (ئاهوو قادر) دایکی بەڕێزتانمان بیست، بە خەمناکییەوە پرسە و سەرەخۆشی خۆمان ئاراستەی ئێوە و کەسوکار و بنەماڵە تێکۆشەرەکەتان دەکەین، خۆمان بەهاوبەشی خەمتان دەزانین.
ئومێدەوارین دڵنەوایی و هاوخەمی هەڤاڵ و دۆست و ئازیزانتان ببێتە مایەی سەبووری و ئارامگرتنتان و لە خەم و نیگەرانیتان کەم بکاتەوە و لە خوای گەورەش داواکارین خوالێخۆشبوو بە بەهەشتی بەرین شاد بکات و ئێوەش لە کۆستی دیکە بە دوور بگرێت .
مەکتەبی سیاسیی پارتی دیموکراتی کوردستان
١٦ی ئاداری٢٠٢٤
