لە پارێزگای دھۆک ژمارەیەک پڕۆژە کەوتنە بواری جێبەجێکردن
دھۆک _KDP.info_ سکرتێری ڕۆژنامەوانی پارێزگاری دھۆک گوتی: ئەمڕۆ لەلایەن پارێزگاری دھۆکەوە کۆمەڵێک پڕۆژەی جۆراوجۆر خرانە بواری جێبەجێکردن.
ملەت عیسمەت، سکرتێری ڕۆژنامەوانی پارێزگاری دھۆک، بۆ ماڵپەڕی فەرمیی پارتی دیموکراتی کوردستان گوتی: ئەمڕۆ پێنجشەممە پارێزگاری دھۆک دکتۆر عەلی تەتەر ژمارەیەک پڕۆژەی نوێی خستە بواری جێبەجێکردنەوە، پڕۆژەکاج جۆراوجۆرن و لە چەندین سێکتەری جیاجیان.
ملەت عیسمەت گوتیشی: ئەو پڕۆژانەی ڕەوانەی بواری جێبەجێکردن کراون بریتین لە کۆڕنیشی ڕووی شین لە ئامێدی، دروستکردنی بینای دادگای ئامێدی، دروستکردنی کەناڵێکی کراوەی ئاو بۆ بەنداوی دھۆک، پڕۆژەیەکی ئاو لە سنووری ئاکرێ و کڕینی ئامێری ئەسفلتی بۆ بەڕێوەبەرایەتی ئاوەدانکردنەوە و نیشتەجێبوونی دھۆک.
بڵند ئیبراھیم
