یەکێتی ھاوردە و ناردنکاران پەیامێکی پیرۆزبایی ئاراستەی ماڵپەڕی فەرمیی پارتی کرد
ھەولێر-KDP.info- یەکێتی ھاوردە و ناردنکارانی ھەرێمی کوردستان، بە بۆنەی(١٣)ەمین ساڵیادی دامەزراندنی ماڵپەڕی فەرمیی پارتی دیموکراتی کوردستان، پەیامێکی پیرۆزباییان ئاراستەی بەڕێوەبەر و ستافی بەڕێوەبردن و کادیران و ڕۆژنامەنووسانی ماڵپەڕەکە کرد.
ئەمەی خوارەوە دەقەکەیەتی:
بۆ بەڕێزان لە ماڵپەڕی فەرمیی پارتی دیموکراتی کوردستان (KDPinfo)
ب/ پیرۆزبایی
سڵاو و ڕێز
بەناوی سەرۆکی گشتی و سەرۆک لقەکانی یەکێتی ھاوردە و ناردنکارانی ھەرێمی کوردستانەوە، بەبۆنەی سیانزەیەمین ساڵیادی دامەزراندنی ماڵپەڕی فەرمیی پارتی دیموکراتی کوردستان (KDPinfo)، جوانترین پیرۆزبایی ئاراستەی بەڕێوەبەر و ستافی بەڕێوەبردن و کادیران و ڕۆژنامەنووسانی ماڵپەڕەکەتان دەکەین.
"ماڵپەڕی فەرمی پارتی دیموکراتی کوردستان (KDPinfo)" ئەزمونێکی سەرکەوتووی میدیا و ڕۆژنامەگەری کوردییە لە پانتایی میدیای دیجیتاڵی کوردیدا.
لە ئێستاشدا و لەم کاتی ھەژموونی دیجیتاڵی و بەرفراوانیەی سۆشیال میدیا "ماڵپەڕی فەرمیی پارتی دیموکراتی کوردستان (KDPinfo)" ڕەھەند و گرنگی خۆی لە دەستنەداوە و لای زۆرێک لە خوێنەران تایبەتمەندی و جێ دەستی نووسەران و ڕۆژنامەنووسانتان دیارە، ھەر لەم یادەدا جێی خۆیەتی سوپاس و دەستخۆشی لە بەڕێوەبەر و ستاف و ڕۆژنامەنووسانی ماڵپەڕەکەتان بەگشتی بکەین کە ھەواڵ و شڕۆڤەی ئابوورییتان فەرامۆش نەکردووە.
دووبارە پیرۆزە و سەرفراز و سەرکەوتووبن.
شێخ مستەفا شێخ عەبدولڕەحمان
سەرۆکی گشتی یەکێتی ھاوردە و ناردنکارانی ھەرێمی کوردستان
