کاردەکەین بۆ ئەوەی بەرھەمە کشتوکاڵییەکانی ھەرێم ھەناردەی بەلجیکا بکرێ
یەکێتی ئەورپا _KDP.info_ نوێنەری حکوومەتی ھەرێمی کوردستان لە یەکێتی ئەورپا گوتی: لە ھەوڵ و گفتوگۆ داین بۆ ئەوەی زەمینە خۆش بکەین بۆ ھەناردەکردنی بەرھەمە کشتوکاڵییەکانی ھەرێمی کوردستان بۆ وڵاتی بەلجیکا ، ئەوانیش ئامادەیی ھەموو ھاوکارییەکیان نیشانداوە.
دکتۆر دلاوەر ئاژگەیی، بۆ ماڵپەڕی فەرمیی پارتی دیموکراتی کوردستان گوتی: لە برۆکسل لەگەڵ بەرێوبەری فەرمانگەی وەبەرھێنان و بازرگانی فلاندەرزی بەلجیکا بە مەبەستی ئامادەکردنی پلانێک بۆ دیڕاسەکردنی بازاڕی بەلجیکا بۆ ھەناردەکردنی بەرھەمە کشتوکالیەکانی ھەرێمی کوردستان لە ئایندەدا کۆبووینەوە.
نوێنەری حکوومەتی ھەرێمی کوردستان لە یەکێتی ئەوروپا گوتیشی: ئەو سەردانە لە چوارچێوەی ھەوڵەکانی سەرۆکی حکوومەتی ھەرێمی کوردستان دێت بۆ پێشخستن و بەبازاڕکردنی بەرھەمەکانی جووتیارانی کوردستان لە بازاڕەکانی جیھان، لایەنی بەلجیکا ئامادەیی تەواویان دەربڕی بۆ ھاوکاری کردنی ھەرێمی کوردستان و ڕێکاری پلانە پێویستەکان بۆ دەستپێکردنی کارەکان.
دەشڵێت: فلاندەرز ٨٠%یی ئابووری و بازرگانی وڵاتی بەلجیکای بەدەستە.
بڵند ئیبراھیم
