مەکتەبی سیاسی پرسەنامەیەک ئاراستەی خانەوادەی (مام نەرمۆ عەلی ئاغا) دەکات
ھەولێر-KDP.info- مەکتەبی سیاسیی پارتی دیموکراتی کوردستان، پرسەنامەیەک ئاراستەی خانەوادەی (مام نەرمۆ عەلی ئاغا) دەکات.
دەقی پرسەنامەکەی مەکتەبی سیاسیی پارتی دیموکراتی کوردستان بۆ خانەوادەی (مام نەرمۆ عەلی ئاغا)
بەڕێزان/ خانەوادەی (مام نەرمۆ عەلی ئاغا)
بە دڵگرانییەکی زۆرەوە هەواڵی کۆچی دوایی خاتوو (باران حاجی حاجی) دایکی دوو شەهید و هاوژینی کەسایەتی تێکۆشەر (مام نەرمۆ عەلی ئاغا)مان بیست، بە خەمناکییەوە پرسە و سەرەخۆشی خۆمان ئاڕاستەی ئێوە و کەسوکار و بنەماڵە تێکۆشەرەکەتان دەکەین، خۆمان بەهاوبەشی خەمتان دەزانین.
ئومێدەوارین دڵنەوایی و هاوخەمی هەڤاڵ و دۆست و ئازیزانتان ببێتە مایەی سەبووری و ئارامگرتنتان و لە خەم و نیگەرانیتان کەم بکاتەوە و لە خوای گەورەش داواکارین خوالێخۆشبوو بە بەهەشتی بەرین شاد بکات و ئێوەش لە کۆستی دیکە بە دوور بگرێت.
مەکتەبی سیاسیی پارتی دیموکراتی کوردستان
١٧ی شوباتی٢٠٢٤
