لە ھەولێر پڕۆژە وەستاوەکان تەواو دەکرێن

ھەولێر _KDP.info_ جێگری پارێزگاری ھەولێر باس لەوە دەکات، ئەو پڕۆژانەی لە سنووری پارێزگای ھەولێر وەستاون جارێکی دیکە حکوومەت بڕیاری داوە بودجەمان بۆ خەرج بکات و دەست بە تەواوکردنیان بکرێت.

جێگری پارێزگاری ھەولێر ، مەسعود محەمەد ، بۆ ماڵپەڕی فەرمیی پارتی دیموکراتی کوردستان گوتی: ئەو پڕۆژانەی ساڵی ڕابردوو  لە سنووری ھەولێر لە جێبەجێکردندا بوون قۆناغی زۆر باشیان بریووە و ھەندێک کێشەی بودجەمان ھەبوو ھەر یەکەی بە قۆناغێک تەواو کراوە ھەندێک تا ٨٠%ی تەواو بوون و بڕیارە لەگەڵ سەرۆکی حکوومەت کۆبوونەوەیەک ئەنجام بدەین و بڕێک پارەمان بۆ سەرف بکرێت و ئەو پڕۆژانەی وەستاون ئەوانیش تەواو بکرێن.
مەسعود محەمەد گوتیشی،  ئێستا ھەندێک پڕۆژە دەستپێکراونەتەوە و ھەندێکیش دوای باشبوونی کەشوهەوا تەواو دەکرێن، چونکە حکوومەت بڕیاریداوە پارەمان بۆ سەرف بکات و ئەو پڕۆژانەی ماون ئەوانیش تەواو بکرێن.
محەمەد باسی لەوەش کرد: بۆ ئەمساڵیش چاوەڕێ دەکرێت بەشە بودجەمان بۆ دیار بکرێت، لەسەر ئەو بنەمایە لە سنووری پارێزگای هەولێر دەست بە ئەنجامدانی پڕۆژەی تازە دەکەین کە بڕیارە بەم نزیکانە بڕیاری لێ بدرێت.

بڵند ئیبراھیم