بەشی ڕۆشنبیریی و ڕاگەیاندنی پارتی پیرۆزبایی لە یەکێتیی نووسەران دەکات

ھەولێر _KDP.info_ بەشی ڕۆشنبیریی و ڕاگەیاندنی پارتی دیموکراتی کوردستان لە پەیامێکدا پیرۆزبایی لە یەکێتیی نووسەران دەکات. 

 

دەقی پەیامەکەی بەشی ڕۆشنبیری و ڕاگەیاندنی پارتی دیموکراتی کوردستان:

 

بەڕێزان لە یەکێتیی نووسەرانی کورد

 

سڵاوی گەرم 

 

بەبۆنەی (٥٤)ەمین ساڵیادی دامەزراندنی یەکێتی نووسەرانی کورد گەرمترین پیرۆزبایی لە ئێوەی ھێژا و تەواوی ئەندامانی ئازیز و نووسەر و ئەدیبانی کوردستان دەکەین، ئاواتەخوازین وەک ھەمیشە بەوپەڕی دڵسۆزییەوە لە خزمەت وشەی ڕەسەنی کوردیدا بن. 

 

یەکێتیی نووسەرانی کورد لە ساتی دامەزراندنییەوە تا ئێستا وەک ڕێکخراوێکی تێکۆشەر و بەھەڵوێست ھەردەم لەگەڵ ھێڵی شۆڕش و بەرژەوەندییە باڵاکانی گەلی کوردستان و لە خزمەت ئەدەبیاتی کوردیدا بووە، لەو پێناوەشدا پۆلێک شەھیدی نەزری نیشتمان کردووە، کە لەم یادە پڕمانایەدا بە نەوازشەوە یادیان دەکەینەوە و لە ئاست بەرھەمی تێکڕای نووسەرانی کوردیشدا ڕێز دەنوێنین. 

 

پیرۆز بێت (٥٤) ساڵەی تەمەنی پڕ لە بەرھەمی یەکێتیی نووسەرانی کورد، ھیواخوازین ھەر سەرکەتووبن.. 

 

بەشی ڕۆشنبیری و ڕاگەیاندنی پارتی دیموکراتی کوردستان

١٠ـی شوباتی٢٠٢٤