پارێزگەها دهۆکێ رێوەرسمێن جودا یێن بلندکرنا ئاڵایێ کوردستانێ هەبوون
ژبەر کو ئاڵا ئێک ژسەرەکیترین هێمایێن سیاسی وکەلتوری یە، ئەڤرۆ رۆژا ئاڵایێ کوردستانێ ل هەمی پارێزگەهێن هەرێما کوردستانێ و دچاڵاکیێن جودا دا هاتییە ساخکرن.
ل پارێزگەها دهۆکی ژی وەکو هەر ساڵ ل هه‌مى رێڤه‌به‌ریێن حكومی وتایبەتی و خوێندنگەهان ئاڵا ب مەراسیمێن جودا هاتییە بلندکرن، و دمەراسیمەک فەرمی دا ژلایێ پارێزگارێ پارێزگەها دهۆکێ د.عەلی تەتەر، ل ئاڤاهیێ پارێزگه‌ها دهۆكێ دەسپێکێ پێشوازی ل ژماره‌یەكا قوتابیێن باخچێ پەلاتینک هاتییە کرن کو ب جل و به‌رگێن كوردى و ب شێوازێ ئالایێ كوردستانێ سه‌ره‌دانا ئاڤاهى كرینه،
پاشان پارێزگار دگەل زاروك و کەسوکارێن شەهیدان بەرەف پارکا نەوروز ڤە چووینە و دەست ب بلندکرنا ئاڵایێ کوردستانێ کرینە و خه‌لكه‌ك ژته‌خ و چینێن جودا ئاماده‌بوینە دناڤا پاركێ دا ژبۆ پشكدارى كرن درێوه‌رسمان دا.
دناڤا رێوەرسمان دا ل پارکا نەوروز پارێزگارێ دهۆکێ کورتییەک ل سەر مێژوویا هەبوونا ئاڵایێ کوردستانێ دیارکرییە و گوتییە “هه‌بوونا ئاڵایی بۆ هەر وەڵاتەکێ هه‌بوونا ئومێدایه”.
وژبلی ئەوان رێوەرسمان ل قۆتابخانه‌یه‌كا دهۆكێ ژی ب پێشانگه‌هه‌كا وێنه‌یێن شه‌هیدێن كوردستانێ رۆژا ئاڵایی هاته ساخكرن، دیسان ل قه‌زا ئاكرێ ب رێپیڤان دگه‌ل سروودا نیشتیمانى یا ئه‌ى ره‌قیب رۆژا ئاڵایێ كوردستانێ هاتییه ساخكرن، و ل ئیدارا سەربەخۆ یا زاخۆ ژی هژمارەکا قوتابییان دگەل سەرپەرشتێ ئیدارێ گوهدار شێخو، ل هەمبێزا پرا دەلال ئاڵایێ کوردستانێ بلندکرییە و ڕۆژا ئالیێ کوردستانێ ساخکرییە، و ل ئامێدیێ و هەمی ودەڤەر جهێن پارێزگەها دهۆکێ رێوەرسمێن جودا هەبوون.
ئاڵایێ هه‌رێما كوردستانێ ئاڵایه‌كێ ده‌ستورییه دچاچوڤێ دستورێ عیراقێ دا و ب فه‌رمى دهێتە بلندكرن، کو ل ١٦ی هەیڤا ٤ سالا ٢٠٠٤ێ، پەرلەمانێ کوردستانێ رۆژا ١٧ی هەیڤا ١٢ ژهەر ساڵ وەک رۆژا فەرمی یا ئالایێ کوردستانێ پەسەندکرییە،
چونکە ل ١٧ی هەیڤا ١٢ سالا ١٩٤٥ی زاینی، کو ب سالا کوردی دبیتە ٢٦ی سەرماوەز یێ ٢٦٤٥ێ، دمەراسمیەكێدا و ب بەرهەڤبوونا قازی محەمەد و چەند هەڤکارێن دی ژپارچەیێن جودایێن كوردستانێ ئاڵایێ كوردستانێ ل باژێرێ مەهاباد ب فەرمی هاتییە بلندکرن، کو ئەو ئاڵایە ل مەیدانا چوارچرا لسەر ملێ كەریمێ نازمی ب بەرهەڤبوونا چەندین کەسان بەرەف ئاڤاهیەکێ مەهاباد چووینە و ل سەر وی ئاڤاهی ئاڵا هەڵداییە،
ئاڵا ل ساڵا 1920 ل باژێرێ ئیستانبولێ وەڵاتێ تورکیا هاتییه دروستكرن، و ژوێ رۆژێ هه‌مى كورد ل سه‌ر ڤى ئاڵایی پێكهاتینه،و پێشتر ژی پەرلەمانێ کوردستانێ راگەهاندیە کو "ئالایێ کوردستانێ هێمایێ قەوارەیا هەرێما کوردستانێ یە و ددەستوورێ هەردەم یێ عێراقێ دا دان پێ هاتیە دان".
سەجا شێرزاد-دهۆک
One attachment
• Scanned by Gmail
