ژمارەیەک پرۆژەیا ل پارێزگەھا دھوکێ دێ کەڤنە دوارێ جیبەجێ کرنێ دا

دهۆك-KDP.info- ل گوری راگەھاندنەکا رۆژنامەڤانیا پارێزگەھا دھوکێ ، ئەڤرۆ پارێزگارێ دھوکێ ب گۆژمەیێ نزیکی ٣٠ملیار دیناران ھەژمارەکا پرۆژەیێن نوو رەوانەی بجھئینانێ کرن.

ل گوری ھەمان راگەھاندن کو کۆپیەکا وێ بدەست ماڵپەڕێ فەرمیێ پارتی دیموکراتی کوردستان گەشتیە وتێدا ھاتیە، ئەڤرۆ رۆژا پێنچ شەمبی رێکەفتی ١٤ی کانوونا ئێکێ یا ٢٠٢٣ێ ب رەزامەندیێن حکومەتا ھەرێما کوردستانێ، د.عەلی تەتەر  پارێزگارێ دھۆکێ ھژمارەکا پرۆژێن نوو رەوانەی بجھئینانێ کرن  ژوانا،  دروستکرنا رێکێن نافخۆیی ل مالتایێ ل سەنتەرێ باژێرێ دھۆکێ و دروستکرنا رێکێن نافخۆی ل تاخێ رەزا و  درۆستکرنا پرۆژێ ئاڤا گۆندێن(ئێمینکێ، ئێتیتێ، ئەڤریکێ)  و نویژەنکرنا ھژمارەکا رێکا ل سنۆرێ قەزا سێمێل و  دروستکرنا رێکا گەشتیاری پیادە ل دەوروبەرێن باژێرێ ئامێدیێ و دروستکرنا ھژمارەکا پرۆژێن گەشتیاری و خزمەتگۆزاری ل سەنتەرێ ناحیا سەرسنکێ و  سەبکرنا رێکا ل گەرەکێن کەلەکچی یا خارێ و گەرەكێن بەرازی و گلەشین و دگەل دروستکرنا سۆلینەکێ ل گلەشین.

ھەر دراگەھاندنێدا ھاتیە،  دروستکرنا رێکا کەلەک- بشیریان ب درێژاھیا ٣ کیلۆمەتران و دروستکرنا رێکا گوندێ دووسەرە ب درێژاھیا ١،٧ کم و سەخبێریکرنا رێکا گوندێ (تربە سپی) ب درێژاھیا ٥ کیلومەترا دگەل دروستکرنا دیوارەکێ پالپشت و  دروستکرنا سۆلینێن  گوندێن زمروک، دووبەردانا مەزن و دروستکرنا چار رێکێن سەرەکی ل سنورێ باژێرڤانیا تەناھی  ئەوژی ،  چێکرنا سایدەکێ ٣٠ م بەرامبەر باژێرڤانیا تەناھی تا ویستگەھا کارەبێ و چێکرنا سایدەکێ ٣٠ م ژ ویستگەھا کارەبێ تا رێکا ٦٠م بەرامبەر زانکۆیا نەورۆز ل تەناھی و چێکرنا دوو سایدەکێ رێکا ٣٠ م ژ ویستگەھا کارەبێ رێکا ٦٠ م بەرامبەر یەکەیێن نیشتەجێبوونێ ل تەناھی و رێکا سەرەکی ٦٠م بەرامبەر زانکۆیا نەورۆز دگەل رێکا نەخۆشخانا پەنجەشێرێ ل تەناھی.

 

بڵند ئیبراھیم