مەکتەبی سیاسی پرسەنامەیەک ئاراستەی خانەوادەی (بەسێ ئیسماعیل دۆڵەگۆمی) دەکات
هەولێر-KDP.info- مەکتەبی سیاسیی پارتی دیموکراتی کوردستان، پرسەنامەیەکی ئاڕاستەی خانەوادەی خوالێخۆشبوو خاتوو (بەسێ ئیسماعیل دۆڵەگۆمی) کرد، ئەمەی خوارەوە دەقەکەیەتی:
بەڕێز/ خانەوادەی خوالێخۆشبوو خاتوو (بەسێ ئیسماعیل دۆڵەگۆمی)
بە داخ و پەژارەیەکی زۆرەوە هەواڵی کۆچی دوایی خاتوو (بەسێ ئیسماعیل دۆڵەگۆمی) مان بیست، بە خەمناکییەوە پرسە و سەرەخۆشی خۆمان ئاڕاستەی ئێوە و کەسوکار و بنەماڵە بەڕێزەکەتان دەکەین، خۆمان بەهاوبەشی خەمتان دەزانین.
ئومێدەوارین دڵنەوایی و هاوخەمی دۆست و ئازیزانتان ببێتە مایەی سەبووری و ئارامگرتنتان و لە خەم و نیگەرانیتان کەم بکاتەوە و لە خوای گەورەش داواکارین خوالێخۆشبوو بە بەهەشتی بەرین شاد بکات و ئێوەش لە کۆستی دیکە بە دوور بگرێت .
مەکتەبی سیاسیی پارتی دیموکراتی کوردستان
