دانانی ئاڵای کوردستان بە فەرمی لە پێگە جیهانی و سیاسییەکان دەستکەوتێکی مەزنە
سکۆپیا-KDP.info- لە سکۆپیای پایتەختی باکووری مەکەدۆنیا، کۆنگرێسی لاوانی کورد بە ئاڵای کوردستانەوە لە کۆبوونەوەی گەنجانی پارتی گەلانی ئەورووپا بەشدارن.
فەلاح حەسەن، سەرۆکی کۆنگرێسی لاوانی کورد لە دەرەوەی وڵات KYC بەشدارە و بە هەنگاوێکی گرنگی سیاسی بۆ هەرێمی کوردستان و دۆزی گەلی کورد هەژماری دەکات.
سەرۆکی کۆنگرێسی لاوانی کورد دەڵێ، بوونی ئەندامیەتی KYC و سیاسەتمەدارانی کورد و دانانی ئاڵای کوردستان بە فەرمی لە پێگە جیهانی و سیاسییەکان، دەستکەوتێکی مەزنە بۆ گەلەکەمان و دیپلۆماسیەتی هەرێمەکەمان.
شایەنی باسە، کۆبوونەوەی ئەمجارەی سیاسەتمەدارانی گەنجانی ئەورووپا لە مەکەدۆنیا، بە بەشداریی ٣٧ وڵاتی ئەورووپی و ٦١ پارتی سیاسی دەستی پێکردووە و، پێگەیەکی گرنگە کە دوایین بارودۆخی هەرێمی کوردستان تێیدا باس بکرێت.
