خولا دەرچوونا قوتابیێن زانکویا دهۆک ب ئامادەبوونا مەسرور بارزانی ب رێڤەچوو
پشتی بوورینا 31 ساڵان ل سەر دامەزراندنا زانکویا دهۆک ئەڤرۆ ب ئامادەبوونا سەروکێ حکومەتا هەرێما کوردستانێ مەسرور بارزانی 28مین خولا دەرچوونا قوتابیان یا زانکویا دهۆک ب رێڤەچوو،
ئەڤرۆ رۆژا دوو شەمبێ رێکەفتی 6ی هەیڤا 11 ساڵا 2023ێ ب ئامادەبووما سەروکێ حکومەتا هەرێما کوردستانێ مەسرور بارزانی ل سەنتەرێ پارێزگەها دهۆک و گورەپانا یانا دهۆک یا وەرزشی 28مین خولا دەرچوونا قۆتابیێن زانکۆیا دهۆک یێن ساڵا 2022-2023ێ ب رێڤەچوو، تێدا 4 هزار و 507 قۆتابی ژپشک وکولیژێن جودا یێن زانکویا دهۆک دەرچووینە.
زانکویا دهۆک ل 31ی تشرینا دووێ، ساڵا 1992ێ هاتییە دامەزراندن لێ ب گور گوتنا مەسرور بارزانی سەروکێ حکومەتێ زانکویا دهۆک دبارودوخەکێ سەخت ودژوار دا هاتییە دامەزراندن لێ ب خۆراگری وماندیبوونا مامۆستایان شیایە رۆژ بۆ رۆژێ بەرەف پێشڤە بچیت وئەڤرۆ زانکۆیا دهۆک ئێک ژزانکۆیێن باشە ل سەر ئاستێ هەرێما کوردستانێ.
هەتا نوکە ل زانکویا دهۆک 19 کولیژ و 67 بەشێن جودا یێن خواندنێ هەنە دگەل ئێک پەیمانگەه، وهەر ژساڵا 1992ێ وهەتا نوکە 54 هزار 445 قوتابی دەرچووینە کو بەشەک هەری مەزن ژوان ئەڤرۆ خودان کار وبەرپرس ورێڤەبەر ومامۆستانە.
سەجا شێرزاد-دهۆک
