"گهورینه‌كا مه‌زن كه‌فتییه‌ جاده‌ و كولانێن پارێزگه‌ها دهۆكێ"

سه‌ره‌راى كاودانێن دارایی یێن هه‌رێما كوردستانێ تێدا ده‌رباز دبیت و فشارێن حكومه‌تا عیراقێ ل سه‌ر حكومه‌تا هه‌رێمێ, حكومه‌تا هه‌رێما كوردستانێ ساڵ بۆ ساڵێ گرنگییه‌كا زورتر ب رێك و بانان دده‌ت و هه‌ر ژساڵا 2020ێ و هه‌تا نوكە،‌ 196 پرۆژه‌یێن رێكان دسه‌نته‌رێ قه‌زا دهۆك دا هاتینه‌ ئه‌نجامدان و 173 پرۆژه‌ ژى ل ده‌وروبه‌ران.

دڤێ راپورتێ دا مالپه‌رێ فه‌رمى یێ پارتى دیموكراتى كوردستان ئامارێن فه‌رمى یێن پرۆژه‌یێن چێكرن و سه‌خبیركرنا رێك و بانان ل پارێزگه‌ها دهۆكێ ب گشتى دسێ ساڵێن بورى دگه‌ل ئه‌ڤ ساڵه‌ ژى دیاردكه‌ت، هه‌روه‌سا به‌راوردیێ دناڤ به‌را وان ساڵان دا و ئاستێ بلندبوونا رێژا پرۆژه‌یان:

ئیسماعیل موسته‌فا, به‌رپرسێ راگه‌هاندنا سه‌روكاتییا باژێرڤانییا دهۆك, ئامارێن فه‌رمى یێن پرۆژه‌یێن رێك و بانان ل قه‌زا دهۆك, تایبه‌ت بۆ مالپه‌رى:ل ساڵا 2020ێ 32 پرۆژە ب کوژمێ 52 ملیار و 83 ملیون دینارێن عیراقى هاتینە ئەنجامدان.

ل ساڵا 2021ێ 73 پرۆژە ب کوژمێ 11 ملیار و 97 ملیون و 942 هزار دینارێن عیراقى هاتینە ئەنجامدان.

و ل ساڵا 2022ێ 72 پرۆژە ب کوژمێ 37 ملیار و 840 ملیون دینارێن عیراقى هاتینە ئەنجامدان.

هه‌ر وه‌سا دئه‌ڤ ساڵه‌ دا و هه‌ر ژ1ى هه‌یڤا 1 ساڵا 2023ێ و هه‌تا 31ى هه‌یڤا 8 ساڵا 2023ێ 19 پرۆژه‌ ب كوژمێ 25 ملیار و 754 هزار و 445 دینارێن عیراقى هاتیینه‌ ئەنجامدان, و ئه‌و هه‌مى ئامارێن هاتینه‌ دیاركرن پێكدهێن ژپرۆژه‌یێن سه‌خبیركرنا جاده‌یان, و چێكرنا جاده‌یان, و دروستكرنا ئوڤه‌رپاسان و ئه‌نده‌ر پاسان, و ڤه‌كرنا جاده‌یان و كونكریتكرنا جاده‌یان و قیركرنا جاده‌یان,

و ب هندێ ژماره‌یا پرۆژه‌یێن رێكان یێن دسه‌نته‌رێ قه‌زا دهۆك دا هاتینه‌ ئەنجامدان هه‌ر ژساڵا 2020ێ و هه‌تا ئه‌ڤ ساڵه‌ هه‌یڤا 9, دگه‌هیته‌ 196 پرۆژه‌یان.

نه‌ب تنێ دسه‌نته‌رێ قه‌زا دهۆك دا به‌لكو, گهورین و كار و خزمه‌ت ژبۆ رێیێن سه‌ره‌كى و لاوه‌كى و رێیێن گوندان دناڤ به‌را قه‌زا دهۆك بۆ ده‌وروبه‌رێن قه‌زا دهۆك ل سه‌ر ئاستێ پارێزگه‌ها دهۆكێ ب گشتى هاتینه‌ كرن, وژوان ئامارێن رێڤه‌به‌رییا گشتى یا رێك و پر و ئاڤه‌دانكرن و نیشته‌جێ كرنێ ل پارێزگه‌ها دهۆكێ بۆ مالپه‌رى دیاركرین:

دساڵا 2020ێ دا 19 پرۆژه‌ هاتینه‌ ئه‌نجام دان ب كوژمێ 22 ملیار و 188 ملیون و 139 هزار و 413 هزار دینارێن عیراقى, و ب وان پرۆژه‌یان خزمه‌تا 53 گوندێن پارێزگه‌ها دهۆكێ هاتییه‌ كرن 12 ژوان گۆندان سه‌ر ب قه‌زا ئامێدیێ بوون و 1 گوند سه‌ر ب قه‌زا شێخان و 5 گۆند سه‌ر ب قه‌زا زاخۆ ل وى ده‌مى سه‌ر ب قه‌زا دهۆك ڤه‌ بوو ژلایێ ئیدارى ڤه‌, و 1 گوند سه‌ر ب قه‌زا دهۆك.

هه‌روه‌سا دساڵا 2021ێ دا 81 پرۆژه‌ هاتینه‌ ئه‌نجام دان ب كوژمێ 59 ملیار و 811 ملیون و 784 هزار و 911 هزار دینارێن عیراقى, و ب وان پرۆژه‌یان خزمه‌تا 221 گوندێن پارێزگه‌ها دهۆكێ هاتییه‌ كرن 43 ژوان گۆندان سه‌ر ب قه‌زا ئامێدیێ بوون و 10 گوند سه‌ر ب قه‌زا شێخان و 8 گۆند سه‌ر ب قه‌زا ئاكرێ و 20 گوند سه‌ر ب قه‌زا دهۆك.

و دساڵا 2022ێ دا 72 پرۆژه‌ هاتینه‌ ئه‌نجام دان ب كوژمێ 25 ملیار و 704 ملیون و 451 هزار و 828 هزار دینارێن عیراقى, و ب وان پرۆژه‌یان خزمه‌تا 150 گوندێن پارێزگه‌ها دهۆكێ هاتییه‌ كرن 13 ژوان گۆندان سه‌ر ب قه‌زا ئامێدیێ بوون و 14 گوند سه‌ر ب قه‌زا شێخان و 12 گۆند سه‌ر ب قه‌زا به‌رده‌ره‌ش و 9 گۆند سه‌ر ب قه‌زا ئاكرێ و 6 گۆند سه‌ر ب قه‌زا سێمێلێ و 18 گوند سه‌ر ب قه‌زا دهۆك.

دیسان دئه‌ڤ ساڵه‌ دا, ساڵا 2023ێ، هه‌تا نوكه‌ ب تنێ 1 پرۆژه‌ هاتییه‌ ئه‌نجام دان ب كوژمێ 1 ملیار و 770 ملیون و 710 هزار و 995 هزار دینارێن عیراقى, و ب وان پرۆژه‌یان خزمه‌تا 11 گوندێن پارێزگه‌ها دهۆكێ هاتییه‌ كرن كو هه‌ر 11 گۆند سه‌ر ب قه‌زا ئاكرێ بوون.

و ژبلى پرۆژەیێ 11 گۆندێن ئاكرێ, 41 پرۆژه‌ ژبۆ حكومه‌تا هه‌رێما كوردستانێ هاتینه‌ پێشنیاركرن ب كوژمێ 12 ملیار و 534 ملیون و 743 هزار و 628 هزار دینارێن عیراقى, دیسان 5 پرۆژه‌یێن دى ل پاشه‌روژه‌كا نێزیك دا دێ هێنه‌ راگه‌هاندن, و ئه‌و پرۆژه‌ ژی یێن:

1- چێكرنا رێكا به‌رده‌ره‌ش-ئامیان-كه‌له‌ك یا نوى ب درێژییا 30 كیلومه‌تران.

2- چێكرنا رێكا قه‌ندیل-ئاكرێ یا كه‌ڤن ب درێژییا 30 كیلومه‌تران.

3- چێكرنا رێكا روڤیا-به‌رده‌ره‌ش یا كه‌ڤن دگه‌ل ئوڤه‌رپاسا چواریانا به‌رده‌ره‌ش ب درێژییا 15 كیلومه‌تران.

4- سه‌خبیركرنا رێكا به‌دریك-ئالوكا ب درێژییا 23 كیلومه‌تران.

5- سه‌خبیركرنا رێكا كورا-مانگێشك ب درێژییا 19 كیلومه‌تران.

 

و ب هندێ، هه‌ر ژ1ى هه‌یڤا 1 ساڵا 2020ێ و هه‌تا 31ى هه‌یڤا 8 ساڵا 2023ێ درێژییا رێكێن هاتینه‌ چێكرن:

1- رێكێن سه‌ره‌كى 95.9 كیلومه‌تر.

2- رێكێن لاوه‌كى 142.1 كیلومه‌تر.

3- رێكێن گۆندان 137.1 كیلومه‌تر

هه‌روه‌سا درێژییا رێكێن هاتینه‌ سه‌رخبیركرن:

1- رێكێن سه‌ره‌كى 302.6 كیلومه‌تر.

2- رێكێن لاوه‌كى 55.25 كیلومه‌تر.

3- رێكێن گۆندان 137.1 كیلومه‌تر.

و ب هندێ كویێ گشتى یێ پرۆژه‌یێن پارێزگه‌ها دهۆكێ (ده‌وروبه‌رێن قه‌زا دهۆك) هاتینه‌ ئه‌نجاندان دناڤ به‌را ساڵێن 2020-2023 دبنه‌ 173 پرۆژه‌ ب كوژمێ 109 ملیار و 475 ملیون و 87 هزار و 147 هزار دینارێن عیراقى, تێدا خزمه‌تا 435 گۆندان هاتییه‌ كرن.

پارێزگه‌ها دهۆكێ ژپشتى سه‌رهلدانێ  7 قه‌زایان دگەل ئیدارا سەربەخۆ یا زاخۆ و 24 ناحی و پترى 914 گوندێن ئاڤا ب خۆڤه‌ گرێ دده‌ت.

سه‌جا شێرزاد-دهۆك